फाइल तस्बिर अमलटारी– चितवन राष्ट्रिय निकुञ्जमा जंगल सफारीका लागि नवलपरासी पूर्व (नवलपुर)को अमलटारीबाट समेत प्रवेशको अनुमति खुलेको छ। अमलटारीबाट प्रवेश र सफारीको अनुमति खुलेपछि निकुञ्जमा आउने पर्यटकको संख्या बढेको छ।
अमलटारी क्षेत्रबाट निकुञ्जभित्र जंगल सफारी आउनेमा आन्तरिकसँगै बाह्य पर्यटकहरु पनि बढ्न थालेका छन्। नवलपुरको अमलटारी क्षेत्रबाट यसअघि टेम्पल टाइगर र थारु भिलेज होटलले मात्रै जंगल सफारीको निकुञ्ज प्रवेशको अनुमति पाएका थिए भने अन्य स्थानीय होटल र होमस्टेले नजिकको सामुदायिक वनमा मात्रै सफारी गराउन पाउने नियम थियो।
निकुञ्जले अमलटारीबाट टेम्पल टाइगर र थारु भिलेजबाहेक अन्य होटल व्यवसायी र होमस्टेलाई निकुञ्जभित्र जंगल सफारीको अनुमति दिएसँगै एक महिनाको अवधिमा ७७५ नेपाली र २०० विदेशीले निकुञ्जभित्र जंगल सफारी गरेको नवलपुर पर्यटन समितिका सचिव धनीराम गुरौले जानकारी दिए।
उनका अनुसार निकुञ्जभित्र जंगल सफारीका लागि पश्चिम सेक्टरअन्तर्गत रजहरको कुजौली रेन्जपोस्ट र अमलटारीबाट निकुञ्ज प्रवेश गर्ने अनुमति निकुञ्ज प्रशासनले दिएको छ। कुजौलीबाट हरेक दिन २ जिप र अमलटारीबाट ५ जिपमा निकुञ्ज प्रवेश गर्न पाउने व्यवस्था छ। निकुञ्जले तोकेकै जिपबाट मात्र जंगल सफारी जान पाइन्छ। एउटा जिपमा एक पटकमा १२ जनाले सफारी गर्न सकिने र कम्तीमा १ नेचर गाइड लैजानुपर्ने व्यवस्था छ। १ जना गाइडले १ हजार ५०० सयदेखि ३ हजारसम्म शुल्क लिने गरेका छन्।
निकुञ्ज प्रवेशका लागि नेपालीले १५०, सार्क क्षेत्रका पर्यटकले १ हजार र अन्य देशका पर्यटकले २ हजार शुल्क तिर्नुपर्छ। यो क्षेत्रबाट निकुञ्ज प्रवेश गर्ने हरेक जिपले एक पटकमा ५ हजार शुल्क तिर्नुपर्छ। सो शुल्क तिरेपछि हरेक जिप प्रवेश गराएबापत निकुञ्जलाई थप ५ हजार शुल्क तिर्नुपर्ने नियम छ।
यहाँको नारायणी नदी फराकिलो क्षेत्रमा फैलिएका कारण डुङ्गा चढेर निकुञ्ज आसपासको दृश्य अवलोकन गर्ने र नदीका चरा हेर्ने पर्यटकको सङ्ख्या पनि बढ्दै गएको सचिव गुरौले बताए। पर्यटकको सङ्ख्या बढ्दै गएपछि रोजगारी पनि बढ्दै गएको र निकुञ्ज प्रवेश गर्दा पैदलयात्रीले अनिवार्य दुई नेचर गाइड लैजानुपर्ने भएकाले स्थानीय तहमा रोजगारी बढेको सचिव गुरौको भनाइ छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1736655415.png)
