विराटनगर– विराटनगर बजार तथा आसपासमा व्यापार गर्दै आएका अपाङ्गता भएका व्यक्तिहरुले आज विराटनगर–जोगवनी सडक अवरुद्ध गरेका छन्।
प्रहरी÷प्रशासनले ब्यापार–ब्यवसायमा अवरोध गरेको भन्दै उनीहरुले सडक अवरुद्ध गरेका हुन् । भारतीय बजार जोगवनीबाट ह्विलचियरमा सामान ल्याएर विराटनगर तथा आसपासका क्षेत्रमा विक्रि गरी जिविका चलाउँदै आएका करिव ३० जनाले सडकमा विरोध प्रदर्शन गरेका हुन्।
प्रशासन र भन्सार सामान आयातमा रोक लगाएपछि आफुहरुको जीवन चलाउन समस्या परेको आन्दोलनमा सहभागीले बताए।
सामान ल्याएर विक्रि गर्न पाउने गरी भन्सारमा सहज वातावरण नवनेसम्म आन्दोलन जारी राख्ने आन्दोलनको नेतृत्व गरिरहेका संजय थापामगरले बताए । ‘हामीले प्रदेश १ का सबै मन्त्रालय र जिल्ला प्रशासन कार्यालयमा यसअघि आफनो समस्यासहित ज्ञापन पत्र वुझाएका थियौं’ उनले भने–‘तर, हाम्रो समस्या प्रति कुनै सुनवाई नभएपछि आन्दोलन गर्न वाध्य हुनु प¥यो ।’
यसअघिसम्मा भन्सार वुझाएर सामान ल्याउन छुट भएपनि हाल भन्सार काट्न बन्द गरेपछि आफूहरु समस्यामा परेको थापामगरको भनाई छ।
मोरङका प्रमुख जिल्ला अधिकारी रमेश केसीले भने भारतीय बजारबाट समान ल्याउन पाउने÷नपाउने विषय भन्सार कार्यालयको अधिकार क्षेत्र भित्र पर्ने वताउँदै कानुनमा तोकिए भन्दा बढी समान चाही ल्याउन नपाइने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
