काठमाडौं– हुन्डाईको विद्युतीय गाडीका लागि नेपालमा ५ दिने हाई भोल्टेज ब्याट्री चेकअप क्याम्प सञ्चालन भएको छ। नेपालका लागि हुन्डाईको आधिकारिक वितरक लक्ष्मी इन्टरकन्टिनेन्टलले मंसिर २६ देखि पुस १ गते सम्म आफ्ना विद्युतीय सवारीका ग्राहकहरूका लागि उक्त क्याम्प आयोजना गरेको हो।
प्रशिक्षित प्राविधिकहरू र अत्याधुनिक उपकरणहरूको सहयोगले सवारीधनीलाई आफ्नो सवारीको प्राविधिक अवस्थाहरु र ब्याट्रीको अवस्थाबारे जान्न मद्दत गर्ने उद्देश्यले क्याम्प आयोजना गरिएको कम्पनीले जनाएको छ। कम्पनीका अनुसार यो अभियानले कोना र आयोनिक लाईनअपका ३०० भन्दा बढी ग्राहकहरूलाई फाइदा पुग्ने छ।
त्यस्तै, क्याम्पमा कम्पनीले ब्याट्रीको आयु बढाउन र सवारीको पूर्व जाँच गर्न ग्राहकहरुलाई विभिन्न सुझावहरू प्रदान पनि गर्ने जनाएको छ। देशैभरी ४० भन्दा बढी चार्जिङ स्टेसनको स्थापना र १७ वटा शोरुमसहित हुन्डाईले विद्युतीय सवारी साधनमा पहुँच बढाउँदै आएको छ।
हुन्डाईले सन् २०१९ मा कोना इलेक्ट्रिक लन्च गरेको थियो। त्यसपछि पनि निरन्तर रुपमा इलेक्ट्रिक कार ल्याइरहेको हुन्डाईको आयोनिक ५ यसपालीको वर्ल्ड कार अफ द इयर २०२२ जित्दै वर्षकै उत्कृष्ट कार बन्न पनि सफल भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
