कालीगण्डकीमा पानीको बहाव बढ्यो, नदीकिनारका बासिन्दालाई सचेत रहन आग्रह

समाज

नेपाल लाइभ आइतबार, साउन २०, २०७५ ०५:३२

पर्वत– केही दिनदेखि लगातार परेको वर्षाका कारण पर्वत जिल्ला भएर बग्ने कालीगण्डकी नदीमा पानीको बहाव बढेको छ।

कालीगण्डकीको मुहान मुस्ताङको तल्लो भागदेखि म्याग्दी तथा पर्वतको उत्तरी क्षेत्रमा लगातार वर्षा भएकाले पानीको सतह ह्वात्तै बढेको हो। त्यसले गर्दा नदी आसपास क्षेत्रका बासिन्दा चिन्तित भएका छन्।

पानीको सतह बढेपछि जिल्ला प्रशासन कार्यालय पर्वतले तटीय, नदी आसपासका क्षेत्र तथा नदीमा दाउरा र बालुवा संकलन गर्न जानेलाई सचेत रहन आग्रह गरेको छ। पानीको बहाव बढेसँगै मुस्ताङ, म्याग्दी र पर्वतको तटीय क्षेत्र उच्च जोखिममा पर्ने गर्छ। धेरै जोखिममा कालीगण्डकी नदी किनार पर्वतको बारी, बेनी तथा बागलुङको सिमाना मालढुंगाको माझी बस्तीसहित मोदीवेणी, सेतीवेणी र पुर्तिघाट बजार छन्।

पानीको सतह बढेको बेला नदीबाट काठलगायतका वस्तु निकाल्न तथा किनारमा नजान सचेत गराइएको प्रमुख जिल्ला अधिकारी गुरुदत्त ढकालले जानकारी दिए।

तटीय क्षेत्र र नदी आसपासमा बसोबास गर्ने सर्वसाधारणलाई प्रहरीले सचेत गराएको जिल्ला प्रहरी कार्यालय पर्वतका प्रमुख प्रहरी नायव उपरीक्षक दिलीप घिमिरेले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कावासोतीमा मोटरसाइकल दुर्घटनामा परी दाजुभाइको मृत्यु

भ्रष्टाचार गर्नकै लागि विमानस्थल बनाइयो: राजेन्द्र लिङ्देन

भारत–पाकिस्तानबीच युद्धविराम