काठमाडौ– मतदाता शिक्षा कार्यक्रमका लागि काठमाडौंमा खटिएका महिला स्वास्थ्य स्वयंसेविकाहरूले आफूहरूलाई काम गर्न कठिन भइरहेको बताएका छन्।
आइतबार बिहान काठमाडौंको नक्सालमा घरदैलो गरिरहेका उनीहरूले परिचय पत्र नभएका कारण आफूहरूलाई मतदाता शिक्षा दिने काममा कठिनाइ भइरहेको गुनासो गरेका छन्।
तत्काल परिचयपत्र उपलब्ध गराइ मतदाता शिक्षा कार्यक्रमलाई सहज बनाउने काममा सहयोग गर्न उनीहरूले निर्वाचन आयोगसँग पनि माग गरेका छन्। परिचयपत्र नभएकाले आफूहरूलाई मतदाताले घरको गेटसमेत नखोलिदिने गरेको काठमाडौं महानगरपालिका वडा नम्बर १ की महिला स्वास्थ्य स्वयंसेविका शर्मिला मानन्धरले बताइन्। उनले परिचयपत्रको अभावमा काम गर्न कठिनाइ भएको उल्लेख गर्दै तत्काल परिचय पत्रको व्यवस्था गरिदिन पनि निर्वाचन आयोगसँग माग गरिन्।
‘मतदाता शिक्षा कार्यक्रमका लागि योपटक हामीलाई परिचयपत्र पनि छैन । अनि मानिसहरूले यसो हेर्छन्। अनि, पार्टीबाट आएको होला भनेर तलै राखेर जाऊ–जाऊ भनेर जवाफ दिन्छन्’, उनले भनिन्, ‘हामी मतदाता शिक्षा दिन जाँदा गेटमा घण्टी वजाउँदा पनि नसुन्ने, अनि मानिसहरू पनि नआउने समस्या छ। निर्वाचन आयोगको पनि मतदाता शिक्षा कार्यक्रम छ । सहयोग गरिदिनुस भनेर सूचना दिनुपर्ने हो नि! काम गर्न एकदम गाह्रो भइरहेको छ।’
मतदाताहरूमा भोट हाल्न जाने कुरामा उदासिनता पाइएको पनि महिला स्वास्थ्य स्वयंसेविकाहरूको बुझाइ छ। भोट होलेर के हुन्छ? भनेर मतदाताहरूले मत हाल्न नै अनिच्छुक देखिएको पनि महिला स्वास्थ्य स्वयंसेविका मानन्धरले बताइन्।
‘आमा– बुवा मात्रै घरमा भएको कारणले पनि होला। भोट होल्ने बेलामा नेताहरूले कसरी लैजानु हुन्छ? त्यो चाँहि थाहा भएन भन्छन्’, उनले भनिन् ‘आफैँ आउने इच्छा चाँहिँ खासै छैन भन्छन्। तर, कोही भने एकदमै इच्छुक देखिएका छन्। कोहीकोही चाँहि भोट हालेर के हुन्छ? त्यसैले सिकाउन र सिक्न पनि पर्दैन भन्नुहुन्छ।’
मानन्धरको अनुभवमा घरमा बुझ्ने मानिसहरू नहुँदा मतदाताहरूमा मतदान गर्ने कुरा सिकाउने र सिक्ने जाँगर नै देखिएको छैन।
काठमाडौं महानगरपालिकालाई मतदाता शिक्षा कार्यक्रम सबै वडाहरूमा सञ्चालन गर्ने जिम्मेवारी निर्वाचन आयोगले स्वयंसेविकाहरूलाई दिएको छ। जसअनुसार वडा सचिवको नेतृत्वमा बनाइएको मतदाता शिक्षा कार्यक्रमको प्रभावकारी कार्यान्वयनका लागि महिला स्वास्थ्य स्वयमसेविकाहरू घर–घरमा पुगिरहेको काठमाडौं महानगरपालिका वडा नम्बर १ का सहायक वडा सचिव सर्वज्ञराज पौडेलले बताए।
‘वडा सचिवको संयोजकत्वमा ३ सदस्यीय मतदाता शिक्षा कार्यक्रम सञ्चालन भइरहेको छ। हाम्रो यो वडा नक्साल, दरबारमार्ग, ज्ञानेश्वर, गैरीधारा, लैनचौरसम्मको क्षेत्रमा पर्दछ’, उनले भने, ‘स्वास्थ्य स्वयंसेविकाहरू मतदाता शिक्षाका लागि मतदाताहरूका घर–घरमा पुगिरहनु भएको छ । यो कार्यक्रम कात्तिक १८ गतेदेखि मंसीर १ गतेसम्म निरन्तर चल्नेछ।’
मतदाता शिक्षा कार्यक्रम देशभर गत कात्तिक १८ गतेबाट सुरु भएको छ। यो कार्य मंसिर १ गतेसम्म चल्ने पनि सहायक वडा सचिव पौडेलले बताए।। आसन्न प्रतिनिधि सभा र प्रदेश सभाको निर्वाचन आउन अब ७ दिन मात्रै बाँकी छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1737367852.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
