न्युयोर्क– डा ह्यारी भण्डारी मेरिल्याण्ड राज्यको विधानसभा सदस्यमा दोश्रो पटक पुन: विजयी भएका छन्। अमेरिकामा नेपाली समुदायको इतिहासमा मूलधारको राजनीतिमा खाता खोल्ने प्रथम नेपाली डा भण्डारी निर्वाचनमा दोश्रो पटक पनि विजयी भएका छन्।
उनले कूल १२,५५७ मत ल्याएका छन्। अझ पनि केही मतपेटिकाबाट आएका मतपत्र गन्न बाँकी रहे पनि उनलाई अफिसियल प्रोजेक्टेड विनर अर्थात् आधिकारिक उम्मेदवार विजयीको रुपमा घोषणा गरिएको छ।
उनले आफ्नो विजय स्वीकार गर्दै दोश्रो कार्यकालको लागि काम गर्ने अवसर पाएकोमा मतदाता र आफ्नो क्षेत्रका वासिन्दालाई धन्यवाद दिए। संघीय रुपमा आधिकारिक रुपमा घोषणा हुन् बाँकी रहेको पनि उनले आफ्नो विजयी भाषणमा उल्लेख गरेका छन्।
मेरिल्याण्ड चुनाव क्षेत्र ८ मा पहिलो कार्यकालमा गरेका कामको उच्च मूल्यांकन गर्दै दोस्रो कार्यकालका लागि चुनाव जित्न उनी सफल भएका हुन्। उनले मेरिल्याण्ड राज्यको विधान सभा क्षेत्र ८ का लागि पुर्याएको योगदानको कदर भएको बताए।
यस पटक अत्यधिक कडा प्रतिस्पर्धा रहे पनि डा भण्डारीले प्रतिद्वन्द्वीलाई हराई अर्को ४ वर्षको लागि जनताको सेवाको लागि मौका पाएका छन्। मेरिल्याण्ड राज्यको राज्य विधायक सदस्यका लागि उनी एक सशक्त उम्मेदवार थिए।
उनलाई हराउन सशक्त रुपमा मेरिल्याण्डका रिपब्लिकनका गभर्नरका उम्मेदवार डान कक्स लागेका थिए। डा भण्डारीविरुद्ध मेरिल्याण्ड रिपब्लिकनका ट्रम्पका कट्टर समर्थक गभर्नरका उम्मेदवार डान कक्सले चुनावी अभियानमा थुप्रै आरोप लगाएका थिए।
डा भण्डारीको निर्वाचन क्षेत्रमा १ लाख २८ हजार भन्दा धेरै जनसंख्या रहेको छ भने मतदाता मात्रै १ लाख भन्दा बढी छन्। नेपाली समुदायमा ईतिहास रचेका र पहिलो सांसद भएका भण्डारीले नेपाली समुदायलाई थुप्रै योगदान र सहयोग गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786875010.jpg)
-1786602170.png)
-1786513116.png)
