काठमाडौं– सुनका गहना धेरै लगाउने सोख छ ? त्यस्तो हो भने तपाईको घरमा डकैतीको जोखिम छ।
सुनका ब्रासलेट र सिक्रि लगाउने एक व्यवसायीको घरमा सोही हालै डकैती भएको प्रहरीले जनाएको छ। काभ्रेको पनौती घर भएका व्यवसायी लक्ष्मण बन्जाराको घरमा डकैती भएको हो। उनको घरबाट ११ लाख ३५ हजार रुपैयाँ बराबरको डकैती भयो।
त्यसरी डकैती गर्ने समूहका ६ जनाको समहूलाई महानगरीय अपराध महाशाखाले पक्राउ गरेको छ। पक्राउ पर्नेहरुमा सिन्धुपाल्चोकका हेम दोर्जे तामाङ, हरि लगुन, चन्द्रागिरीका सुजन तामाङ, दोलखाका अर्जुनबहादुर श्रेष्ठ, रामेछापका कमल थापा मगर र तिर्थबहादुर थापा मगर छन्।
उनीहरुले गत चैत १४ गते बञ्जाराको काभ्रेको पनौतीस्थित घरमा प्रबेश गरी घरका सबै व्यक्तिलाई नियन्त्रणमा लिएर डकैती गरेका थिए।
डकैती योजनाको सुरुवात बञ्जाराले लगाएको गहनाबाट सुरु हुन्छ।
उनीहरुमध्ये हेमदोर्जे तामाङ जेलबाट छुटेपछि गाडी किन्न भनेर तिनकुनेस्थित मनकामना सोरुम गएका थिए। त्यो सोरुम बन्जाराको थियो। बन्जारा सुनका सौखिन थिए। ठूला सिक्रि र ब्रासलेट लगाएका थिए। बञ्जाराले टन्न सुनका गहना लगाएको देखेपछि उनको घरमा प्रशस्त गहना र धनमाल रहेको आँकलन गरी उनीहरुले डकैतीको योजना बनाए।
सोरुमबाट घर जाने क्रममा उनलाई पिछा गर्न थाले। घर पत्ता लगाएपछि डकैती गरेका हुन्।
डकैती गरेकामध्ये ९ तोला सुनका गहना समेत प्रहरीले बरामद गरेको छ। उनीहरु पेशेवर रुपमा डकैतीमा संलग्न व्यक्तिहरु भएको प्रहरीले जनाएको छ। सुनका गहना लगाएको देखेरै पिछा गरेर डकैती भएको अपराध महाशाखाका प्रहरी निरीक्षक भरत थापाले बताए।
यस्तो छ घटनाक्रम–
१. चोरी लुटपाट तथा ला.औ.मुद्धामा जेल परेका बाबु भन्ने हेम दोर्जे तामाङ र डाँका चोरी तथा ला.औ. मुद्दामा डिल्लिबजार कारागारमा रहेका दिपक भन्ने तिर्थबहादुर थापा मगर संग निजहरुको चिनजान जेलमा रहँदा ३ बर्ष देखी भएको ।
२.जेल छुट पश्चात दिपक भन्ने तिर्थबहादुर थापा मगरले कुनै काम (डाँका ) भएमा गर्नु पर्यो भनि हेम दोर्जेलाई भनेको ।
३. गाडी खरिद गर्ने बेलामा बाबु भन्ने हेम दोर्जे तामाङ लक्ष्मण बन्जाराको का.जि.का.म.न.पा. तिनकुने स्थित मनाकामना सोरुममा गएको ।
४.पिडित लक्ष्मण बन्जराको हातमा ब्रासलेट तथा घाँटीको सिक्री देखी यो मान्छेको घरमा धेरै धन सम्पति होला भनि निज हेम दोर्जेलाई डाँका गर्ने मनसाय आएको ।
५.निज हेम दोर्जे तामाङले दिपक भन्ने तिर्थबहादुर थापा मगरलाई घरको लोकेशन सहित एउटा राम्रो काम आएको भनि सबै कुरा बताएको ।
६. पिडितको पिछा गरि पिडितको घर का.जि. पनौति न.पा. वडा नं. ४ सम्म हेमदोर्जे तामाङ गएको ।
७. पिडितको घरको बारेमा सबै कुरा निज हेम दोर्जे तामाङले दिपक भन्ने तिर्थबहादुर थापा मगरलाई बताएको ।
८. दिपक भन्ने तिर्थबहादुर थापा मगर र सोझो भन्ने अर्जुन बहादुर श्रेष्ठ पुन: पिडितको घर हेर्न काभ्रे पनौति गएका ।
९.मिति २०७४/१२/१७ गते राती निज दिपक भन्ने तिर्थ थापा मगर, सुगम बिजय , सोझो भन्ने अर्जुन बहादुर श्रेष्ठ , कमल थापा मगर र निजका साथीहरु भई काभ्रे पनौति स्थित पिडित लक्ष्मण बन्जराको घरमा डाँका घटना घटाएको ।
१०.डाँका घटना पश्चात घरमा भएको रकम निजहरुले भाग बण्डा गरेको र बाँकि रहेको सुन निजहरुले लिएर आई मिति २०७४।१२।१९ गते का.जि. पेप्सीकोलामा निज हेम दोर्जे तामाङलाई दिएको ।
११.निज हेम दोर्जे तामाङले लिएको उक्त सुन का.जि. पेस्सीकोला स्थित श्री क्षेमा देवि ज्वलेर्समा लगि रु.४,००,०००।- मा बिक्री गरेको ।
१२. बिक्री भई आएको नगद मध्ये हेम दोर्जे तामाङले रु.८४,०००।- ( चौरासी हजार ) आफुसंग राखी बाँकी सबै रकम दिपक भन्ने तिर्थबहादुर थापा मगरलाई दिएको ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
