एक्सन वर्क्सकी अध्यक्ष पौडेल सोसल इम्प्याक्ट अवार्डबाट सम्मानित

प्रवास

नेपाल लाइभ मंगलबार, कात्तिक १, २०७९ १८:४९

काठमाडौं – गैरसरकारी संस्था, एक्सन वर्क्स नेपालकी अध्यक्ष सम्झना पौडेल ‘सोसल इम्प्याक्ट अवार्ड २०२२’बाट सम्मानित भएकी छिन् ।

एसियाली मुलुकमा महिला तथा किशोरीको स्वास्थ्य शिक्षा र उनीहरूको जीविकोपार्जनका सवालमा केन्द्रित भई काम गर्ने सामाजिक संस्थाहरूको सञ्जालको छनोटमा विमेन आइकोन नामक संस्थाले पौडेललाई पुरस्कारसहित सम्मान गरेको हो ।

भारतको तमिलनाडूमा हालै आयोजित कार्यक्रममा पौडेलसहित एसियाका अन्य देशका महिलाहरूले फरक–फरक विधाका पुरस्कार प्राप्त गरे ।

एसियाली मुलुकमा महिला तथा किशोरीको स्वास्थ्य, शिक्षा र जीविकोपार्जनका सवालमा केन्द्रित भई काम गर्ने महिलामध्येबाट पौडेल उक्त पुरस्कारबाट सम्मानित भएकी हुन् ।

पत्रकारिता पेशामा लामो समयदेखि काम गर्दै आएकी पौडेलले विभिन्न सामाजिक संस्थामा रहेर काम गर्दै आएकी छिन् । उनी हाल एक्सन वर्क्सकी अध्यक्ष हुन् । विशेषगरी, एक्सन वर्क्सले कर्णाली प्रदेशका जिल्लाहरूमा महिला तथा किशोरीको स्वास्थ्य, शिक्षा र जीविकोपार्जनका क्षेत्रमा काम गर्दै आइरहेको छ ।

यसले ग्रामीण क्षेत्रमा प्रजनन् स्वास्थ्य, गर्भपतनको कानूनी मान्यता, परिवार नियोजनका साधनहरूको प्रयोगबारे महिलाहरुलाई जानकारी दिने र सम्बन्धित स्वास्थ्य संस्थालाई आवश्यक स्वास्थ्य सामग्री प्रदान गर्ने गर्दछ । लामो समयदेखि सामाजिक क्षेत्रसँगै पत्रकारितामा पनि निरन्तर काम गर्दै आएकी पौडेल आउटलाइन मिडियासँग आबद्ध छिन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चितवनमा रविको बयान सकियो, थुनछेक बहस आजैबाट

महिला टी-२०आई शृंखला : पाँच खेल खेल्दा पनि जितविहीन नेपाल, पाँचौं खेलमा नेदरल्याण्ड्ससँग १० विकेटले पराजित

निर्माणधीन झोलुङ्गे पुलबाट खसेर दुई जना बेपत्ता