काठमाडौं– प्रधानमन्त्री केपी शर्मा ओलीले अधिनायकवाद कहाँ आएको भन्दै प्रतिपक्ष दल नेपाली कांग्रेसलाई प्रश्न गरेका छन्। पूर्वएमाले र पूर्वमाओवादी केन्द्र नजिकका इन्जिनियरहरुको संगठन पिपान र निएन एकीकरणमा कार्यक्रममा बोल्दै ओलीले तानाशाही केमा आएको भन्दै प्रश्न गरे।
ओलीले केही मान्छेहरुलाई अधिनायकवाद आएको भनेर बोल्ने बानी परेको बताए। ‘असभ्य तरिकाले बोल्छन्। बोल्न केही बाँकी केही राख्दैनन्। तर पनि मुख थुनियो भन्छन्’, उनले भने।
२०४८ सालमा महाकालीबाट साइकल र्याली आउँदा ड्याम कि ड्याम मान्छे मार्ने कांग्रेस भएको दाबी गरे। त्यस समय कांग्रेसले तीन वर्षमा तीन हजारलाई मुद्दा लगाएको स्मरण गरे।
निर्वाचनपछि सरकार बन्न कांग्रेसले रोकेको बताउँदै उनले कांग्रेसको कदमलाई छेस्कनीको संज्ञा दिए । मण्डलामा माइक त छ तर कांग्रेस र केही बुद्धिजीवीलाई बोल्न एजेण्डा छैन। ओलीले काल्पनिक कुरा नगर्न सचेत गर्दै बहसमा आउन आह्वान गरे।
‘रेल चलाउँछौं ,चलाउँछौ । इर्श्या गरेर रोकिदैन’, प्रधानमन्त्री ओलीले भने।
डा केसीको पक्षमा आन्दोलनमा लागेकाहरुले केसीलाई बचाउने उद्देश्य नभएको आरोप लगाए। धमिलो पानीमा माछा पार्ने प्रयास भएको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
