काठमाडौँ– नेपाल वायुसेवा निगमको दोस्रो वाइडबडी विमान (मकालु) त्रिभुवन अन्तर्राष्ट्रिय विमानस्थलमा अवतरण गरेको छ।
ए ३३०–२०० सिरिजको विमान बिहिबार बिहान सवा नौं बजे विमानस्थलमा अवतरण गरेको हो।
विमान निर्माण भएको फ्रान्सको तुलुज शहरबाट करीब नौ घण्टाको उडानपछि अन्तर्राष्ट्रिय विमानस्थलमा अवतरण भएको हो। निगमका महाप्रबन्धक सुगतरत्न कंसाकारसहितको टोली विमानमा आएका थिए ।
विमानस्थलमा विमानलाई पानीको फोहोराले भव्य स्वागत गरिएको थियो । संस्कृति पर्यटन तथा नागरिक उड्डयन मन्त्रालयलका सचिव कृष्णप्रसाद देवकोटा, निगमका उच्च अधिकारीलगायतले स्वागत गरेका थिए।
विमानलाई स्वागत गर्दै संस्कृति, पर्यटन तथा नागरिक उडड्यन मन्त्रालयका सचिव कृष्णप्रसाद देवकोटाले नयाँ विमानसहितका २ वटा वाइडबडी विमानले तत्काल जापान, दक्षिण कोरिया र साउदी अरेवियाको उडान भर्ने योजना सार्वजनिक बताए। उनले सरकारले ५ वर्ष भित्र १० वटा वाइडबडी विमान भित्रयाएर युरोपीयन मुलुकहरुमा पनि उडान भर्ने लक्ष्य लिएको पनि स्मरण गराए।
पर्यटकहरुको आगमनलाई सहज बनाउन सरकारले विमान खरिदको कामलाई अघि उच्च प्राथमिकताका साथ अघि बढाएको हो।
वाइडबडी नयाँ विमान निगमले युरोपेली कम्पनी एयरबसले उत्पादन गरेको जहाज अमेरिकाको एएआर कम्पनीसँग खरिद गरिएको हो। विमानको खरिद मूल्य २१ अर्ब ९० करोड रुपैयाँ रहेको निगमका प्रबन्ध निर्देशक सुगतरत्न कंसाकारले जानकारी दिए। यसअघि गत असार १४ गते पनि निगमले पहिलो वाइडबडी विमान भित्रयाएको थियो। दुवै वाइडबडी विमानको सिट क्षमता २ सय ७४ रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
