फाइल तस्बिर। काठमाडौं- गैरआवासीय नेपाली संघ (एनआरएनए)को अध्यक्षमा डा बद्री केसीले उम्मेदवारी घोषणा गरेका छन्। मंगलबार काठमाडौंमा पत्रकार सम्मेलन गरेर उनले संघको १०औं विश्व सम्मेलनका लागि अध्यक्षमा उम्मेदवारी घोषणा गरेका हुन्।
उम्मेदवारी घोषणा गर्दै उनले विभिन्न प्रतिवद्धता पनि सार्वजनिक गरेका छन्। उनले वैदेशिक रोजगारीको क्षेत्रलाई व्यवस्थित, मर्यादित र सुरक्षित बनाउन सरकार, कूटनीतिक नियोग लगायतसँग सहकार्य गर्ने बताए।
यस्तै, रोजगारीका लागि विदेशमा रहेका श्रमिकहरुलाई योगदानमा आधारित सामाजिक सुरक्षा कोष तथा पेन्सन फन्डमा सहभागी गराउन पहल गर्ने बताए।
'विदेशमा प्राप्त ज्ञान, सीप र पूँजीलाई सरकारसँग सहकार्य गरी छुट्टै श्रम तथा सीप बैंक स्थापना गर्न पहल गरिनेछ। रोजगारीमा विदेश रहेका युवाहरुको तलबमान अन्तर्राष्ट्रिय मापदण्ड अनुसारको बनाउन गन्तव्य मुलुकसँग पहल गरिनेछ', उनले भने।
१० अर्ब सुरुवाती पूँजी रहेको एनआरएन नेपाल डेभलपमेन्ट फन्डलाई थप बढाउने तथा उक्त फन्डलाई आईपीओ जोड्ने केसीले प्रतिवद्धता जनाए।
गैरआवासीय नेपाली र वैदेशिक लगानी आकर्षित गर्न दोहोरो कर छुट सम्बन्धी सम्झौता गर्न सरकारसँग पहल गर्ने, एनआरए का पञ्जीकृत सदस्यको वृद्धि गर्ने, विद्यार्थीलाई पनि एनआरएनएमा परिभाषित गरी समेट्न पहल गर्ने उनको प्रतिवद्धता छ।
'स्मार्ट एनआरएनए कार्यक्रमलाई सुधार गरिनेछ। सदस्यता वितरण र निर्वाचन निष्पक्ष बनाउन फेस भेरिफिकेसन प्रणाली लागू गरिनेछ', उनले भने।
केसीले विदेशमा बस्ने नागरिकलाई नेपालको निर्वाचनमा मतदान गर्ने व्यवस्था मिलाउन पहल गर्ने, नेपाल बौद्धिक प्रतिभाहरुको मुहान र गन्तव्य दुवै भएको सन्देश प्रवाह गर्ने तथा थिंक ट्यांकसँग सहकार्य गर्ने उल्लेख गरे।
एनआरएनको नेतृत्वका लागि यसअघि कुल आचार्यले उम्मेदवारी घोषणा गरिसकेका छन्। संघको १०औं विश्व सम्मेलन आगामी ६ गतेदेखि ८ कात्तिकमा काठमाडौंमा हुनेछ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
