कोरियामा भलिवल खेल्दा खेल्दै बेहोस भएका एक नेपालीको मृत्यु

प्रवास

नेपाल लाइभ आइतबार, साउन १०, २०७८ १२:११

प्रतीकात्मक तस्वीर

सिओल– दक्षिण कोरियामा कार्यरत एक नेपालीको हृदयघातका कारण आईतवार मृत्यु भएको छ । मृत्यु हुनेमा गैर आवासीय नेपाली संघ दक्षिण कोरियाको चुङनाम शाखाका अध्यक्ष मदन भुजेल रहेको संघले जनाएको छ।

आइतवार सहकर्मीहरुसँग भलिवल खेल खेलिरहेको अवस्थामा अकस्मात बेहोस भई ढलेका भुजेललाई तत्काल स्थानीय अस्पताल पुर्याइएको भएपनि अस्तालले मृत घोषित गरेको गैर आवासीय नेपाली संघका महासचिव विमल सुवेदीले जानकारी दिए।

खोटाङ जिल्ला घर भएका भुजेल इपियस कामदारका रुपमा ई–७ भिसामा लामो समयदेखि कोरियामा कार्यरत थिए। भुजेल एमाले संवद्ध प्रवास संगठन प्रवासी नेपाली एकता मंच दक्षिण कोरियाका केन्द्रीय कमिटी सदस्य समेत हुन्।

भुजेलका भाइ कोरियामै रहेकाले भाइसँग समन्वय गरी शव व्यवस्थापन तथा अन्य प्रक्रिया अघि बढाउन पहल थालिने सुवेदीले बताए।

दक्षिण कोरियामा हृदयघातका कारण मृत्यु हुने नेपाली कामदारको संख्या उच्च छ । लगातार हृदयघातका कारण हुने मृत्युदरमा कमी नआएपनि मृतकको पोष्टमार्टम पश्चात अटोप्सी रिपोर्ट दिन भने यहाँका अस्पतालले अस्वीकार गर्ने गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रविलाई हिरासत पठाइयो, प्रहरी कार्यालयबाहिर समर्थकको नाराबाजी

चितवनमा रविको बयान सकियो, थुनछेक बहस आजैबाट

महिला टी-२०आई शृंखला : पाँच खेल खेल्दा पनि जितविहीन नेपाल, पाँचौं खेलमा नेदरल्याण्ड्ससँग १० विकेटले पराजित