काठमाडाैं- साउदी अरबको सरकारले बकर इदको अवसरमा ६४ पाकिस्तानी कैदीलाई आममाफी दिएको छ। विभिन्न अपराध गरेकाे आराेपमा थुनामा रहेको उनीहरुलाई पाकिस्तानी प्रधानमन्त्री इमरान खानको विशेष अनुरोधमा रिहा गरिएको हो।
साउदी जेलबाट रिहा भएपछि पाकिस्तानी विदेश मन्त्रालयले उनीहरूलाई स्वदेश फिर्ता पठाउने व्यवस्था मिलाएको थियो। यी पाकिस्तानी कैदीहरु मंगलबार दिउँसो इस्लामाबाद अन्तर्राष्ट्रिय विमानस्थल आइपुगेका थिए।
२० जुलाईमा पाकिस्तानका प्रधानमन्त्री खानले यस विषयमा ट्वीट गर्दै भनेका थिए, ‘मेरो निर्देशनमा साउदी अरेबियाबाट ६२ पाकिस्तानी कैदीलाई फिर्ता ल्याउन पैसाको व्यवस्था गरिएको छ। उनीहरू सबै इदमा परिवारका सदस्यहरूसँग हुनेछन्। विदेशमा रहेका पाकिस्तानी कैदीहरुलाई सहयोग पुर्याउन मेरो सरकार प्रतिबद्ध छ।’
प्रधानमन्त्री खानको सत्तारूढ पार्टी पाकिस्तान तहरीक-ए-इन्साफले स्वदेश फर्किएका कैदीहरुको तस्वीर सामाजिक सञ्जालमा पोष्ट गरेको छ।
ती कैदीहरूलाई ओभरसीज पाकिस्तानी फाउण्डेशन (ओपीएफ)का महाप्रबन्धक डा आमेर शेखले स्वागत गरेका थिए।
यता, १० मेमा पाकिस्तानका गृहमन्त्री शेख रशीदले ११ सय पाकिस्तानी कैदीहरुलाई फिर्ता ल्याउन प्रकृया अगाडि बढाएको जानकारी दिएका थिए।
रशीदले पाकिस्तानी प्रधानमन्त्री र साउदी सरकारबीचको सम्झौताको माध्यमबाट उनीहरुलाई रिहाइ गरिने जानकारी दिएका थिए।
‘सजाय पूरा गरेका र कुनै अपराधको अभियोग नलागेका कैदीहरुलाई फिर्ता ल्याइनेछ। ३० कैदीलाई मृत्युदण्ड सुनाइएको छ, उनीहरूलाई फिर्ता ल्याउन सकिँदैन,’ उनले भनेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788940058.jpg)
-1786602170.png)
-1791388337.png)
