प्रदेश १ सरकारले ल्यायो ३२ अर्ब ४६ करोडको बजेट, चालु आवको भन्दा साढे ८ अर्ब न्यून

अर्थ समाचार

नेपाल लाइभ मंगलबार, असार १, २०७८ १६:४५

काठमाडाैं- प्रदेश १ सरकारले आगामी आर्थिक वर्षका लागि ३२ अर्ब ४६ करोड ९२ लाख रुपैयाँको बजेट सार्वजनिक गरेको छ।

प्रदेशका आर्थिक मामिला तथा योजना मन्त्री टंक आङ्बु्हाङ लिम्बूले मंगलबार आर्थिक वर्ष २०७८/७९ को बजेट सार्वजनिक गरेका हुन्।

उक्त बजेट चालु आर्थिक वर्षको भन्दा आठ अर्ब ४३ करोड सात लाख रुपैयाँले न्यून हो। चालु आव २०७७/७८ को बजेट ४० अर्ब ८९ करोड ९९ लाख रुपैयाँको थियो।

आगामी आवका लागि विनियोजित बजेटमा चालुतर्फ १४ अर्ब १६ करोड १५ लाख (४३.६ प्रतिशत) र पुँजीगततर्फ १५ अर्ब पाँच करोड ३५ लाख (४६.३) प्रतिशत छुट्याइएको उनले बताए।

यस्तै स्थानीय तहमा वित्तीय हस्तान्तरणतर्फ तीन अर्ब २२ करोड ४२ लाख रुपैयाँ र वित्तीय व्यवस्थापनतर्फ तीन करोड रुपैयाँ विनियोजन गरिएको छ।

बजेटको स्रोतमा आन्तरिक राजस्वबाट चार अर्ब नाै करोड ७७ लाख, राजस्व बाँडफाँटबाट नाै अर्ब ८१ करोड ६६ लाख, संघबाट प्राप्त हुने वित्तीय समानीकरण अनुदान आठ अर्ब ५६ करोड ७८ लाख, ससर्त अनुदानबाट पाँच अर्ब ९६ करोड ७७ लाख, समपुरक अनुदानबाट एक अर्ब १६ करोड ४८ लाख र विशेष अनुदानबाट ५९ करोड ३३ लाख रुपैयाँ व्यवस्था गरिने उनले बताए। यसबाट अपुग रकम नगद माैज्दातबाट दुई अर्ब र वैदेशिक अनुदानबाट २६ करोड १३ लाख रुपैयाँ जुटाउने लक्ष्य बजेटमा राखिएको छ।

यो पनि पढ्नुहोस्:

आगामी वर्ष ६ प्रतिशतको आर्थिक वृद्धि गर्ने प्रदेश १ को घोषणा
व्यक्तिका नाममा स्थापित १ दर्जन फाउण्डेसनलाई प्रदेश १ सरकारले ३ करोड बाँड्ने
प्रदेश १ सरकारद्वारा वन तथा वातावरणको क्षेत्रमा १ अर्ब ३६ करोड विनियोजन
प्रदेश १ बजेट– पर्यटन क्षेत्रका लागि ८३ करोड ३८ लाख विनियोजन
प्रदेश प्रमुख नवप्रवर्द्धन कृषि कार्यक्रमका लागि ५ करोड ७२ लाख
'मुख्यमन्त्री उद्यमशीलता कार्यक्रम' का लागि १० करोड विनियोजन
प्रदेश १ सरकारले सञ्चारमाध्यमको दर्ता र नवीकरण दस्तुर छुट गर्ने
चालु आवमा प्रदेश १ को आर्थिक वृद्धि ३.६ प्रतिशत हुने अनुमान

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

लोकतन्त्रको संरक्षण एवं न्यायपूर्ण समाज निर्माणमा न्याय र कानुन जगतको दायित्व : राष्ट्रपति पौडेल

जाकाराण्डा फूलको संरक्षण गर्दै ललितपुर महानगर

राजसंस्था पुनःस्थापनाको माग गर्दै राजावादीहरुको मोटरसाइकल र्‍याली (तस्वीरहरू)