सफलताको जुनसुकै उचाईंमा पुगेपनि यदि देश सम्बृद्ध भएन भने त्यो व्यक्तिको सफलताको कुनै मान्यता हुँदैन र अर्थ पनि राख्दैन। यही सिद्धान्तलाई अबलम्वन गरेर नै 'फर नेपाली बाई नेपाली' भने उद्देश्यका कारण गैरआवसीय नेपाली सघं एनआरएनले 'एनआरएन डेभलपमेन्ट फण्ड'को अवधारण शुरु गरेको हो।
शुरुका केही व्यक्तिहरूले चुनौतीको सामना गर्नु पर्दो रहेछ। जब केही व्यक्तिका लगानीहरू आउने थाले, ती लगानीहरू सफल रूपमा देखिन थाले। त्यसपछाडि सामूहिक लगानी अवधारण आएको हो। र, कुनै पनि देश त्यही देशका नागरिकले बनाउँछन्। हामी विश्वस्त छौं कि नेपाल नेपालीहरूले नै बनाउँछन्। बनाउनु पर्छ।
जब नेपालीहरू देश बनाउन अगाडि बढ्छन तब विदेशी मित्रहरू हामीसँग हात जोड्न आउँछन। यदि हामीले आफैंबाट शुरु नगर्ने र विदेशी मित्रहरूको आशामा मात्रै बस्ने हो भने देश अझै धेरै लामो समयसम्म सम्बृद्ध हुन सक्दैन। साथै २/४ जनाको लगानीबाट पनि देश सम्बृद्ध हुन सक्दैन। भएको पनि छैन।
जबसम्म साना भन्दा साना व्यक्तिहरूले पनि यो देशमा आफ्नो अपनत्व महशुस गर्दैनन्। त्यो अपनत्व महशुस गर्नका लागि पुँजी र प्रविधिको लगानी आवश्यक पर्छ। साधन र स्रोतमा केही कमी भएपनि गैरआवसीय नेपाली दाजुभाइहरूले नेपालमै के गर्नुपर्छ भनेर जोस जागर गरेका छन्।
सोही अनुसार कम्तिमा १० अर्बको कोष खडा गरेर काम गर्ने विषयले औपचारिकता पाएको छ। यो विस्तारै एक खर्बसम्म पुग्नेछ। यसमा खाली पुँजी र प्रविधि मात्रै आउने छैन। योसँग ३ वटा विषय जोडिएर आउने छ। एउटा कर्पोरेट कल्चर, दोस्रो गुड गर्भनेस र तेस्रो ट्रान्सपरेन्सी जोडिन्छ।
यो अतिनै आवश्यक छ। पुँजी र प्रविधिभित्र यो विषय पनि आउने छ। यसमा नेपाल सरकारको र जनताको साथ अवश्य पनि चाहिन्छ नै। पैसा आउँछ, बैंकमा थन्काएर मात्रै केही हुनेवाला छैन। तपाईंहरू माझ केही देखाउने गरी नयाँ कार्याक्रम अवश्य पनि आउने छ। त्यसबाट जनताले पनि लाभ लिन पाउने छन्।
('एनआरएन डेभलपमेन्ट फण्ड'को औपचारिक शुरुआत कार्यक्रममा महतोले राखेको विचार)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
