सोल- दक्षिण कोरियामा अध्ययनरत २६ नेपाली विद्यार्थीले यो वर्ष विद्यावारिधि (पिएचडी) उपाधि हासिल गरेका छन्। कोरियाका विभिन्न विश्वविद्यालयबाट २६ नेपाली विद्यार्थीले विद्यावारिधि गरी दीक्षित भएको नेपाली विद्यार्थी समाज दक्षिण कोरिया (सोनसिक)ले जानकारी दिएको छ।
कोरियाका विश्वविद्यालयले फेब्रुअरीमा आयोजना गरेको दीक्षान्त समारोहमा यो वर्ष विभिन्न तह उत्तीर्ण गरेका ५३ नेपाली विद्यार्थी दीक्षित भएका छन्। दीक्षित हुनेहरूमा २५ जना नेपाली विद्यार्थीले स्नातकोत्तर उत्तीर्ण गरी दीक्षित भएका हुन् भने २ जना स्नातक उत्तीर्ण भएको समाजका सभापति राजाराम श्रेष्ठले जानकारी दिए।
५३ नेपाली दीक्षित भएकोमा ३७ जना छात्र र १६ जना छात्रा रहेको बताइएको छ। कोरियामा रोजगारीसँगै अध्ययनका लागि आउने नेपाली विद्यार्थीको संख्यामा पछिल्ला वर्षहरूमा वृद्धि हुँदै गएको सरोकारवाला बताउँछन्।
कोरियामा अन्डर ग्याजुएट अध्ययनका लागि पूर्ण छात्रवृत्ति पाउने बाहेक अन्य विद्यार्थीका लागि आर्थिक रूपमा निकै कठिन हुने गरेको यहाँ अध्ययनरत विद्यार्थी बताउँछन्।
कोरियामा विज्ञान, इञ्जिनियरिङ, कृषि, मानविकीलगायतका विषय अध्ययनका लागि नेपाली विद्यार्थी आउने गरेका छन्। हाल झन्डै २ हजार नेपाली विद्यार्थी कोरियामा अध्ययनरत रहेको समाजको तथ्याङ्क छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765528419.png)
-1763721444.png)
-1765273665.jpg)
