भागरथी हत्यामा संलग्नलाई राज्यबाट संरक्षण नहोस् : विवेकशील साझा

राजनीति

नेपाल लाइभ आइतबार, माघ २५, २०७७ १६:४३

काठमाडौं- विवेकशील साझा पार्टीले बैतडीकी १७ वर्षीया किशोरी भागरथी भट्टको हत्यामा संलग्नलाई राज्यबाटै संरक्षण नहोस् भनेर सचेत गराएको छ।

आइतबार विज्ञप्ति जारी गर्दै उसले विगतका यस्ता घटनाहरूमा अवाञ्छित राजनीतिकरण हुने र दोषी पक्ष नै राज्यबाट संरक्षित हुने गरेको स्मरण गर्दै भागरथी घटनामा यो क्रम नदोहोर्‍याउन सचेत गराएको हो।

हत्या हुनुअघि बलात्कारको आशंका गरिएको घटनाको यथाशीघ्र निष्पक्ष र वैज्ञानिक अनुसन्धान गरी दोषीलाई कानूनको दायरामा ल्याउन पनि विवेकशील साझाले माग गरेको छ।

दोषीलाई कारबाहीको माग गर्दै न्याय प्राप्तिका लागि बैतडी, कञ्चनपुर र देशैभरि भएका शान्तिपूर्ण नागरिक अभियानहरूमा उसले ऐक्यवद्धता समेत जनाएको छ।

‘शहरदेखि गाउँसम्म शान्ति सुरक्षा कायम गर्न र नागरिकको जिउधनको रक्षा गर्न वर्तमान सरकार पूर्णतः असफल भएको छ’, प्रवक्ता शरदराज पाठकले जारी गरेको विज्ञप्तिमा भनिएको छ, ‘विवेकशील साझा पार्टी सम्पूर्ण नागरिक वर्ग र पार्टीका स्थानीय समितिहरूलाई भागरथी हत्याबारे बैतडीमा स्थानीय प्रशासन तथा प्रहरीको काम कारबाहीलाई मिहीन ढङ्गबाट नियाल्न आग्रह गर्दछ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

धरहरा चढ्न विद्यार्थी, ज्येष्ठ नागरिक र अपांगता भएका व्यक्तिलाई ५० प्रतिशत छुट

मानव बेचबिखन गर्न लागेको आरोपमा एक जना पक्राउ

लामिछानेसहित १० जनाविरूद्ध चितवन जिल्ला अदालतबाट पक्राउ पुर्जी जारी