काठमाडौं- नेपाल नागरिक उड्डयन प्राधिकरणले ‘एभिएसन सेफ्टी रिपोर्ट’ २०२० सार्वजनिक गरेको छ।
प्राधिकरणले संस्कृति, पर्यटन तथा नागरिक उड्डयन मन्त्री योगेशकुमार भट्टराईको उपस्थितिमा सेफ्टी रिपोर्ट २०२० सार्वजनिक गरेको हो।
प्राधिरणले एभिएसन सेफ्टी रिपोर्ट हरेक वर्ष जारी गर्दै आएको छ। प्राधिकरणले जारी गरेको सेफ्टी रिपोर्टमा नेपालमा हाल १० वटा हेलिकोप्टर कम्पनी सञ्चालनमा रहेको र ९ वटा आन्तरिक हवाई सेवा प्रदायक कम्पनीले हवाई सेवा प्रदान गर्दै आएको उल्लेख छ।
साथै ४ वटा अन्तर्राष्ट्रिय उडान लाइसेन्स प्रदायक विमान कम्पनी र ४ वटा अल्ट्रालाइट कम्पनी रहेको समेत प्राधिरकणले जनाएको छ।
प्राधिरणले सन् २०१९ मा अन्तर्राष्ट्रिय हवाई मुभमेन्ट समेत सन् २०१८ को तुलनमा ४ दशमल ४ प्रतिशतले घटेको रिपोर्टमा उल्लेख गरेको छ। सन् २०१८ मा अन्तर्राष्ट्रिय तर्फ कुल ३३ हजार ९ सय ३३ वटा उडान तथा अवतरण भएकोमा सन् २०१९ मा घटेर ३२ हजार ४ सय ३९ मा झरहेको जनाएको छ।
यसैगरी आन्तरिक हवाई मुभमेन्टमा सन् २०१९मा सन् २०१८ को तुलनमा ८ दशमलब१५ प्रतिशतले घटेको प्राधिकरणले जारी गरेको रिपोर्टमा उल्लेख छ।
प्राधिकरणले हवाई क्षेत्रमा सुरक्षा सबै भन्दा बढी महत्व पूर्ण विषय भएर अहिले सुधारको क्रममा रहेको जनाएको छ।
तर, युरोपियन युनियनले भने नेपालको हवाई क्षेत्र सुधार नभइसेको भन्दै कालो सूचिबाट हटाएको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764053873.png)
-1758539596-1762682671.jpeg)
-1763721444.png)
-1763559424.jpg)
-1763559424.jpg)
