काठमाडौं- नेपाली कांग्रेसका सभापति शेरबहादुर देउवाले हङकङ आगलागीमा परी ७ नेपालीको मृत्यु भएको खबरले आफूलाई स्तब्ध बनाएको बताएका छन्। सोमबार दिउँसो ट्विट गर्दै सभापति देवाउवाले पीडित परिवारलाई सहयोग गर्न हङकङबासी नेपालीलाई आग्रह समेत गरेका छन्।
हङकङ आगलागीमा मृत्यु हुनेका परिवार र उपचाररत घाइतेलाई नेपालबाट आवश्यक सहयोग उपलब्ध गराउन पनि देउवाले सरकारसँग माग गरेका छन्।
आइतबार राती हङकङको याउमातेइमा नेपालीले संचालन गरेको रेस्टुरेन्टमा आगलागी हुँदा सात नेपालीको मृत्यु भएको थियो। आगलागीमा परी १७ जना घाइते भएको र तीमध्ये ७ जना गम्भीर रहेको बताइएको थियो। घाइते सबैलाई उपचारका लागि अस्पताल पुर्याइएको छ।
मृत्यु हुनेमा ९ देखि ४० वर्षका चार पुरुष र तीन महिला छन्। उनीहरूमध्ये अधिकांश बाग्लुङ जिल्लाका भएको बताइएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
.JPG)
.jpg)
