स्टकहोम- खगोल विज्ञान खासगरी ब्ल्याकहोलका क्षेत्रमा उल्लेखनीय अनुसन्धान गरेबापत यस वर्ष सन् २०२० को भौतिकशास्त्रतर्फको नोबेल पुरस्कार तीन वैज्ञानिकलाई प्रदान गरिने भएको छ।
नोबेल एसेम्ब्लिका अनुसार रोयल स्वेडिस एकेडेमीले वैज्ञानिकहरु रोजर पेनरोज, राइनहार्ड गेन्जेल र एन्ड्रिया घेजलाई संयुक्त रुपमा प्रदान गर्ने निर्णय गरिएको हो।
अन्तरिक्ष विज्ञानमा ब्लाकहोलको रहस्यबारे अनुसन्धान गरेका तीनै वैज्ञानिकले ब्ल्याकहोलको गुरुत्वाकर्षणका कारण प्रकाश समेत छिर्न नसक्ने दाबी गरेका छन्। ब्ल्याकहोलको यस क्षेत्रमा पदार्थ आफैंमा विलुप्त हुन्छ।
पुरस्कृत व्यक्तित्वमध्ये गेन्जेल जर्मन हुन् भने घेज अमेरिकी नागरिक हुन्। अर्का पुरस्कृत वैज्ञानिक पेनरोज बेलायती नागरिक हुन्। उनीहरु तीनै जना खगोल र भौतिक विज्ञानका क्षेत्रमा प्राध्यापक हुनुका साथै विभिन्न विश्वविद्यालयमा अनुसन्धान र प्राध्यापनमा संलग्न रहेका छन्।
करिब १ करोड स्वेडिस क्रोनरको यो पुरस्कारको रकममध्ये आधा रोजर पेनरोज र बाँकी आधा अन्य दुई वैज्ञानिकलाई आधा–आधा प्रदान गरिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
