कास्की- गण्डकी प्रदेशमा कोरोना संक्रमित निको हुने दर उच्च रहेको छ। प्रदेशमा शुक्रबार साँझसम्म एक हजार ६८२ जना संक्रमित भएकामा एक हजार ५२० जना अर्थात् ९० दशमलव ३७ प्रतिशत निको भएका छन्।
संक्रमितमध्येमा १५७ जना विभिन्न जिल्लास्थित आइसोलेसन कक्षमा उपचार गराइरहेका छन् भने पाँच जनाको कोरोनाका कारण मृत्यु भएको प्रदेश स्वास्थ्य निर्देशनालयले जनाएको छ। सक्रिय कोरोना संक्रमितकाे प्रतिशत ९ दशमलव ३३ रहेको छ भने मृत्यु हुने प्रतिशत शून्य दशमलव ३० छ।
म्याग्दीमा ४८ संक्रमित रहेकामा सबै जना निको भएपछि घर फर्केका छन्। म्याग्दीमा सक्रिय बिरामी छैनन्। कास्कीमा १९५ संक्रमित भएकामा १४५ जना उपचारपछि निको भएर घर फर्केका छन् भने सक्रिय केस ४९ जना छन्। कास्कीमा एक जनाको मृत्यु भएको छ।
पर्वतमा १०४ जना संक्रमित भएकामा ९८ जना निको भएका छन् भने ६ जनाको उपचार भइरहेको छ। यसैगरी बागलुङमा २६३ संक्रमितमा २४४ निको भएका छन् भने १८ जना उपचाररत छन्। एक जनाको मृत्यु भएको छ।
स्याङ्जामा संक्रमित २९८ जना मध्येमा २५६ जना उपचारपछि घर फर्केका छन्। जिल्लामा ४० जनाको उपचार भइरहँदा दुई जनाको मृत्यु भएको छ। नवलपरासी पूर्वमा ३३३ जना संक्रमित भएकाेमा ३२६ जना निको भएका छन् भने सात जनाको उपचार भइरहेको छ। तनहुँमा २१० जना संक्रमित भएकामा १८० जना निको भएका छन् भने ३० जनाको उपचार भइरहेको छ।
गोरखामा ११६ जना संक्रमित रहेकामा ११२ जना उपचारपछि घर फर्किएका छन्। तीन जनाको उपचार जारी रहँदा एक जनाको कोरोनाका कारणबाट मृत्यु भएको छ।
लमजुङमा ११३ जना संक्रमित भएकामा १०९ जना निको भएका छन् भने चार जनाको उपचार जारी छ। हिमालपारिका जिल्ला मनाङ र मुस्ताङमा भने एक/एक जना संक्रमित भएकामा दुवै जना उपचारपछि निको भएको प्रदेश स्वास्थ्य निर्देशनालयका निर्देशक डा विनोदविन्दु शर्माले जानकारी दिए। प्रदेशका मुस्ताङ बाहेकका १० जिल्लामा गरी एक हजार ११२ जना क्वारेन्टिनमा रहेका छन्।
गण्डकी प्रदेशमा शनिबार १८ जना कोरोना संक्रमित थपिएका छन्। यससँगै प्रदेशमा संक्रमितकाे संख्या एक हजार ७०० पुगेकाे छ।
प्रदेशमा हालसम्म ३२ हजार ९९६ जनको पिसिआर विधिबाट नमूना जाँच गरिएकामा ३१ हजार २९६ जनामा कोरोना देखिएको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1764146706.png)
