बेइजिङ- चीनमा आएको भिषण बाढीका कारण व्यापक जनधनको क्षति भएको बताइएको छ। चीनमा आएको भिषण बाढीका कारण १ सय ४१ जना व्यक्ति बेपत्ता भएको बताइएको छ। तीमध्ये केही व्यक्तिको मृत्यु भएको हुनसक्ने बताइएको छ।
यो बाढीका कारण ३ करोड ८० लाख मानिस प्रभावित भएको बताइएको छ। यो बाढी चीनका विभिन्न ठाउँमा भएको अविरल वर्षापछि आएको हो। चीनका २७ स्थानमा बाढीले जनजीवन प्रभावित पारेको बताइएको छ। यहाँ पछिल्ला केही दिनमा आएको यस बाढीबाट २२ लाखभन्दा बढी नागरिकलाई उद्धार गरिएको छ।
चीनको याङ्चेसहितका कैयौँ नदीमा पानीको सतह बढेपछि बाढी आएको बताइएको छ।
बाढीले यहाँका २८ हजारभन्दा बढी घरमा क्षति पुर्याएको छ। यसबाट यहाँको ११ अर्ब अमेरिकी डलर बराबरको क्षति पुगेको बताइएको छ। बाढीको त्रास बढ्दै गएपछि चिनियाँ राष्ट्रपति सि चिनफिङले सबै नागरिकलाई आवश्यक मात्रामा सतर्कता अपनाउन आग्रह गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791645793.png)
-1786602170.png)
