काठमाडौं- विदेशमा रहेका नेपालीहरुमा पछिल्लो समय कोरोना संक्रमण दर उल्लेख्य रुपमा कमी हुँदै गएको छ। गैरआवासीय नेपाली संघ अन्तर्गतकाे स्वास्थ्य समितिका अनुसार विदेशमा कोरोना भाइरसका कारण निधन हुनेको संख्या र संक्रमणको दर उल्लेख्य रुपमा घटेकाे हाे।
कोराना संक्रमितमध्ये ९२ प्रतिशत नेपालीहरु निकाे भएकाे संघले जनाएकाे छ। शनिबार साँझसम्म विश्वभर २९ हजार ६ सय २४ जना संक्रमितमध्ये २७ हजार ३ सय ६२ जना नेपाली काेराेना संक्रमण मुक्त भएको गैरआवासीय नेपाली संघले जनाएको छ।
संघ अन्तर्गतकाे स्वास्थ्य समितिका संयोजक डा संजीव सापकोटाका अनुसार अष्ट्रेलिया, पोल्याण्ड, कतार, साउदी अबरलगायतका देशमा रहेका नेपालीहरुमा याे साता कोरोना संक्रमण दर सामान्य रुपमा वृद्धि भएको छ। संघका अनुसार नेपालसहित कोरोना भाइरसका कारण विश्वभर ज्यान गुमाउनेको संख्या १ सय ८१ पुगेको छ भने ४६ हजार ३ सय ४६ जनामा संक्रमण देखिएकाे छ। ती मध्ये ३५ हजार ८ सय ४ जना निकाे भएको स्वास्थ्य समितिले जनाएको छ।
यसअघि गतसाता सम्म १४ देशमा १ सय ४३ जना नेपालीको विदेशमा कोरोनाका कारण ज्यान गएको थियाे। नेपाललगायत मध्यपूर्वका देशबाहेक अन्य मुलुकमा कोरोना संक्रमण जारी रहेको प्रति एनआरएनए स्वास्थ्य समितिले चिन्ता व्यक्त गर्दै स्थानीय सरकारले जारी गरेका स्वास्थ्यसम्बन्धी सूचनाहरुलाई कडाइका साथ पालना गर्न आग्रह गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
