श्रीनगर-भारतीय प्रधानमन्त्री नरेन्द्र मोदीले चीनसँगको सीमा जोडिएको विवादित क्षेत्रमा तैनाथ भारतीय सेनाको मनोबल उच्च बनाउन शुक्रबार त्यस क्षेत्रको स्थलगत भ्रमण गरेका छन्।
गत महिना लद्दाख क्षेत्रको गलवान उपत्यकामा चिनियाँ सेनासँगको मुठभेडमा २० जना भारतीय सेनाको मृत्यु भएपछि दुवै देशबीच तनावको अवस्था छ।
दुई मुलुकबीच लामो समयदेखि विवादको रुपमा रहेको लद्दाखमा ४५ वर्षयता पहिलो पटक सबैभन्दा ठूलो संख्यामा भारतीय सैनिकको मृत्यु भएको थियो। उक्त सैन्य मुठभेडका क्रममा केही चिनियाँ सैनिकको पनि मृत्यु भएको भारतले दाबी गरेको छ, तर चीन सरकारले यसबारेमा आधिकारिक रूपमा केही बताएको छैन।
भारतीय सेनाका प्रमुख प्रधानसेनापतिसहित उक्त क्षेत्रमा पुगेका प्रधानमन्त्री मोदीले दुवै सेनाबीच मुठभेड भएको क्षेत्र नजिकको भारतीय सैन्य अखडामा पुगेर स्थलगत जानकारी लिएका थिए।
त्यस अवसरमा भारतीय सैनिकलाई सम्बोधन गर्दै प्रधानमन्त्री मोदीले भने, ‘यस विषम परिस्थितिमा तपाईंहरू भारतीय मातृभूमिका रक्षकहरुका रुपमा खटिनुभएको छ, तपाईंहरु मुलुकको रक्षाकवच हो।’
उनले अगाडि भने, ‘भारतका दूश्मनहरुले तपाईंहरुको साैर्य पक्कै देखेका होलान्।’
चीनको नाम नलिई मोदीले विस्तारवादको युग सकिएको बताउँदै विस्तारवादले मानवतालाई कसरी विनाशको अवस्थामा पुर्याउँछ भन्ने इतिहासले देखाइसकेको’ बताएका थिए।
चीन र भारत दुवैबीचको सम्बन्ध विगतदेखि नै त्यति प्रगाढ हुन सकेको छैन। दुवै पक्षले मुठभेडका लागि एकअर्कामाथि दोषारोपण गरिरहेका छन्। दुवै देशले यस क्षेत्रमा हजारौं थप सैनिक पठाइसकेका छन्।
साथै, दुवै देशबीच सैन्य तहमा धेरै चरणमा वार्ताहरु भइसकेका छन् र झिनो प्रगति भएको छ। सामाजिक संजालमा एकअर्का मुलुकविरुद्ध गालीगलौज हुन थालेपछि भारतले चीन लक्षित केही आर्थिक प्रतिबन्धहरु घोषणा गरेको छ।
यी प्रतिबन्धहरु खासगरी प्रविधि र पूर्वाधार निर्माणका क्षेत्रतर्फ लक्षित छन्। भारतले निकै लोकप्रिय टिकटक समेत चीन प्रवर्द्धित ५९ वटा चिनियाँ मोबाइल एप्लिकेसनहरू भारतीय सुरक्षाका लागि खतरा भन्दै भारतमा चलाउन प्रतिबन्ध लगाएको थियो।
चीनबाट आयात भएका तर भारतका ठूला फर्मास्युटिकल उद्योगका लागि चाहिने कच्चा पदार्थ ठूलो मात्रामा भारतीय भन्सारमा थन्किएका छन्।
भारत सरकारले आफ्ना विद्युत गृहका लागि आवश्यक उपकरणहरु चीनबाट खरिद नगर्ने तथा नयाँ सडक परियोजनामा चिनियाँ निर्माण कम्पनीलाई काम नदिने निर्णय समेत गरेको छ।
चिनियाँ विदेश मन्त्रालयका प्रवक्ता झाओ लिजियानले शुक्रबार आयोजित नियमित पत्रकार सम्मेलनमा सीमा क्षेत्रको विषयलाई लिएर भारतमा उत्पन्न परिस्थितिका बारेमा चीनले सूक्ष्म रुपमा विश्लेषण गरिरहेको बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764338048.png)
-1764330652.png)
-1764329978.png)
-1764146706.png)
-1763721444.png)
-1763559424.jpg)
-1764080971.png)
