मलिन्दो एयरले ३ हजार सस्तोमा ल्याइदिने भयो मलेसियाबाट नेपाली

कोरोना अपडेट

नेपाल लाइभ शनिबार, असार १३, २०७७ २१:५५

काठमाडौं- मलिन्दो एयरले मलेसियाबाट करिब ३ हजार सस्तो भाडामा नेपालीहरु स्वदेश ल्याइदिने भएको छ। दूतावासका अनुसार हिमालय तथा नेपाल एयरलाइन्सको भन्दा २ हजार ८ सय ९० सस्तो भाडामा ल्याइदिने भएको हो।

मलेसियामा समस्यामा परेका नेपालीहरुलाई चार्टर उद्दारमार्फत स्वदेश फर्काउन सरकारले ३७२ अमेरिकी डलर भाडा तोकेको छ। सोहीअनुसार यसअघि चार्टर उडान अनुमति पाएका हिमालय तथा नेपाल एयरलाइन्सले मलेसियाबाट स्वदेश फर्कन प्रतिव्यक्ति १ हजार ५९० मलेसियन रिंगेट अर्थात् ४५ हजार १ सय नेपाली रुपैयाँ भाडा तोकेका छन्।

तर मलिन्दो एयरले मलेसियाबाट १५०० मलेसियन रिंगेट अर्थात् ४२ हजार २ सय १० नेपाली रुपैयाँमा ल्याइदिने भएको हो। यसअघि मलिन्दो एयरले मलेसियाबाट नेपाल चार्टर उडानका लागि अनुमति पाएको थिएन।

कोरोनाका कारण अलपत्र परेका नेपाली नागरिकहरुलाई नेपाल फर्कनका लागि सहजीकरण गर्ने उद्देश्यले मलेसियाबाट काठमाडौंका लागि मलिन्दो एयरलाई पनि समावेश गरिएको मलेसियास्थित नेपाली दूतावासले जनाएको छ।

यी हवाई सेवा प्रदायक कम्पनीहरुको टिकट लिँदा स्वयं हवाई कम्पनीले तोकेअनुसार टिकटको पैसा तिर्न दूतावासले सुझाएको छ। कुनै बहानामा तोकिएभन्दा बढी पैसा तिर्न बाध्य हुनपरे खबर गर्न दूतावासले आग्रह गरेको छ।

मलेसियामा समस्या परेका नेपालीहरु स्वदेश फर्कनका लागि २९ जुन नेपाल र हिमालय एयरलाइन्सको १/१ वटा उडान तालिका तय गरिएको छ। ३० जुनमा नेपाल एयरलाइन्सको उडान छ भने २ र ३ जुलाईमा मलिन्दो एयरले उडान भर्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

त्रिविले खुलायो २०५८ सालदेखिका पुराना विद्यार्थीका लागि मौका परीक्षाको फारम

आज पनि सुनको मूल्य प्रतितोला १६ सयले बृद्धि, चाँदीको कति ?

टिप्परको ठक्करबाट एक जनाको मृत्यु