गुणस्तरहीन सिमेन्ट उत्पादन गर्ने रिलायन्स र इन्टरनेसनलको इजाजत रद्द, सर्वोत्तम र अग्निसँग स्पष्टीकरण माग

अर्थ समाचार

नेपाल लाइभ शुक्रबार, असार १२, २०७७ १५:३५

काठमाडौं- नेपाल गुणस्तर तथा नापतौल विभागले गुणस्तहीन सिमेन्ट उत्पादन गर्ने ४ वटा उद्योगलाई कारबाही गरेको छ। विभागले गरेको बजार अनुगमनका क्रममा ४ वटा सिमेन्ट उद्योगले उत्पादन गरेको सिमेन्ट नेपाल गुणस्तर अनरुप नरहेको फेला पारेपछि कारबाही प्रक्रिया थालनी गरेको हो।

विभागले बाराको रिलायन्स सुपरटेक सिमेन्टको पिएससी सिमेन्ट गुणस्तरहीन रहेको भन्दै सिमेन्ट उद्योगको इजाजत पत्र नै रद्द गरेको छ। विभागले गरेको प्रगोगशाला परीक्षणमा नेपाल गुणस्तर चिह्न नियमावली २०४० को नियम १६ अनुसार इजाजत रद्द गरेको जनाएको छ। उक्त सिमेन्ट उद्योगले इजाजत रद्द गरेको समयमा पनि सिमेन्ट बिक्री वितरण गरेको फेला पारेको हो।

यसैगरी, विभागले पर्साको इन्टरनेसनल सिमेन्ट उद्योगकोे ओपिसी सिमेन्ट इजाजज रद्द भएको अवस्थामा पनि बिक्री वितरण गरेको भन्दै कारबाही गरेको छ। विभागमा महानिर्देशक विश्वबाबु पुडासैनीका अनुसार उक्त उद्योगलाई पनि नेपाल गुणस्तर चिह्न नियमावली २०४० को नियम १६ अनुसार इजाजत रद्द गरेको छ।

यसैगरी विभागले अग्नि सिमेन्ट उद्योग प्रालीलाई समेत कारबाही गरेको छ। विभागले अग्नि सिमेन्ट उद्योग रुपन्देहीसँग स्पष्टीकरण मागेको छ। उक्त सिमेन्ट उद्योगको पिपिसी ब्रान्डको सिमेन्टको संकलित नमुनाको कम्प्रेसिभ स्ट्रेन्थको मापन नेपाल गुणस्तर भन्दा बाहिररहेको भन्दै स्पष्टीकरण सोधको विभागमा महानिर्देशक पुडासैनीले जानकारी दिए। यसैगरी अग्नि सिमेन्टकै ओपिसि ब्रान्डका उत्पादनमा पनि आइआर मापन नेपाल गुणस्तरभन्दा बढी रहेको भन्दै स्पष्टीकरण साधेको छ।

साथै विभागले सर्वोत्तम सिमेन्ट नवलपरासीको ओपिसी सिमेन्टमा पनि आइआरको मापन नेपाल गुणस्तरभन्दा बढी रहेको भन्दै स्पष्टीकरण सोधेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रसाईं र मिश्रबारे अदालतले भन्यो : थप प्रमाण संकलन गर्ने कार्य बाँकी नरहे तारेखमा छाड्नू

धनगढीलाई हराउँदै पोखरा एनएसएलको फाइनलमा प्रवेश

तीनकुने घटनामा मृत्यु भएकाको परिवारलाई जनही १० लाख उपलब्ध गराइने