नयाँ दिल्ली- भारतको केन्द्रीय राजधानी समेत रहेको दिल्ली प्रदेशमा अब लकडाउन नलम्बिने भएको छ।
सोमबार दिल्ली प्रदेशका मुख्यमन्त्री अरविन्द केजरीवालले केन्द्रीय राजधानीमा फेरि लकडाउन लागू पर्ने पक्ष र योजनामा आफू नरहेको बताएका हुन्।
‘आम नागरिकलाई लकडाउनले मर्कामा पारेको छ, दिल्लीमा फेरि लकडाउन लम्ब्याउने मेरो योजना छैन,’ उनले सामाजिक सञ्जाल ट्वीटरमा लेखेका छन्।
यसअघि केन्द्रीय गृहमन्त्री अमित शाहको अध्यक्षतामा बसेको सर्वदलीय बैठकमा पनि यहीबारेमा छलफल भएको थियो।
केन्द्रीय राजधानी समेत रहेकाले केन्द्रीय सरकारले समेत चासो राखेर छलफल गरेको अधिकारीहरूले जानकारी दिएका छन्।
बैठकमा मुख्यमन्त्री केजरीवालको पार्टी आम आद्मी पार्टी (आप)का सांसद संजय सिंह पनि सहभागी भएका थिए। बैठकमा बिरामीहरूका लागि शैय्या संख्या बढाउने बारेमा पनि छलफल भएको थियो।
भारतीय जनता पार्टी (भाजपा), भारतीय राष्ट्रिय कांग्रेस, आम आद्मी पार्टीका प्रतिनिधि र सरकारी उच्च अधिकारीहरू पनि बैठकमा सहभागी भएका थिए।
बैठकमा लकडाउनलाई लम्ब्याउने कि नलम्ब्याउने, फैलिँदै गरेको कोरोना भाइरसको सङ्क्रमणलाई कसरी न्यूनीकरण गर्ने, अभाव वा समस्याहरू के के छन् लगायतका विषयमा पनि छलफल भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791645793.png)
-1786602170.png)
