काठमाडौं- भारतमा प्लान्ट स्थापना गरेर सवारी उत्पादन तथा बिक्रि/निर्यात गर्दै आएका युरोपेली कम्पनी स्कोडा-फक्सवागन, रेनो र चिनियाँको स्वामित्व रहेको एमजीले कर्मचारीको तलब कटौती नगर्ने र रोजगारीको ग्यारेन्टी गर्ने घोषणा गरेका छन्। कोरोना भाइरस (कोभिड १९)का कारण विश्वभर तलब तथा रोजगारी कटौतीका समाचार आइरहेका बेला यी तीन कम्पनीले भने दुवै कुराको ग्यारेन्टी गरेका हुन्।
कोरोना भाइरसका कारण देश तथा आधाभन्दा बढी विश्व नै लकडाउनमा रहेकाले सबै कम्पनीहरूको उत्कादन तथा बिक्री शून्य प्रायः हुँदा क्यास फ्लोको अभाव छ। यसका बाबजुद स्कोडा-फक्सवागन, रेनो र एमजीले रोजगारी र तलब कटौती नहुने ग्यारेन्टी गरेको द इकोनोमिक्स टाइम्सले लेखेको छ।
यी कम्पनीहरूले भारतमा ठूलो लगानी गरेका छन्। कयौं उत्पादनहरू सार्वजनिक हुने चरणमा रहेका छन्, त्यसैले पनि उनीहरूले कामदारलाई यस्तो ग्यारेन्टी गरेका हुन्। आफ्नो दीर्घकालीन योजनालाई असर नपरोस् र संकटका बेला कर्मचारीलाई थप असहज नहाेस् भनेर उक्त निर्णय गरेको कम्पनीहरूको भनाइ छ।
फक्सवागन ग्रुप इन्डियाले समेट्ने फक्सवागन तथा स्कोडा दुवैमा काम गर्ने सबैलाई बोनस समेत दिने जनाएको छ। लकडाउनको अवधिभर तलब कटौती नहुने भएपनि बोनस भने अवस्था सामान्य भएपछि मात्र दिने निर्णय भएको कम्पनीको भनाइ छ। संरचनागत र अन्य खर्च कटौती हुने भएपनि जागिर र तलब भने नकाटिने स्कोडा फक्सवागन इन्डियाका एमडी गुरूप्रताप बोपाराइले बताए। 'हामीले कर्मचारी र तीनको तलबमा कुनै कटौती नहुने घोषणा गरिसकेका छौं,' उनले भनेका छन्, 'अघिल्लो वर्षको बोनस समेत कर्मचारीले पाउने ग्यारेन्टी गरिएको छ।'
त्यस्तै रेनो इन्डियाका एमडी वेंकटराम मामिलापालेले विश्वभर एकै पटक देखिएको यो संकटले कर्मचारीहरूमा एक खालको त्रास उत्पन्न भएको बताए। 'तर हामीले हाम्रा कामदारलाई आत्तिनु नपर्ने निर्माण गरेका छौं,' उनले भने, 'कम्पनीले कर्मचारी र उनीहरूको आम्दानी सुरक्षित हरने प्रत्याभुत गरेका छौं।'
एमजी मोटर पनि डिलर तथा कामदारको तलब सुरक्षित गरेको जनाएको छ। '२०२० मा जस्तो सुकै खराब अवस्था आएपनि एमजी इन्डोयाले एक जना पनि कामदार कटौती गर्दैन,' एमजी मोटर इन्डियाका प्रमुख राजीव चावाले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786461863.jpg)
-1786461424.png)
-1764146706.png)
-1786437116.jpg)
-1786184812.png)
