काठमाडौं- अतिक्रमित सरकारी तथा सार्वजनिक जग्गा फिर्ता अभियानलाई सरकारले तिव्रता दिएको छ।
शनिबार काठमाडौं महानगरपालिकाको वडा नम्बर ३१ तीनकुने जागृतिनगरमा रहेको अतिक्रमित जग्गामा महागरले फिर्ता लिएको छ।
त्यसक्षेत्रबाट निर्वाचित प्रदेशसभा सदस्य गणेश दुलाल र वडा नम्बर ३१ का वडाध्यक्ष नारायणप्रसाद भण्डारीसहितको टोलीले अतिक्रमित जग्गामा डोजर चलाएको हो।
महानगरले अतिक्रमित जग्गामा रहेका घर टहराहरु भत्काएको छ। वडाध्यक्ष भण्डारीले १८ दिने सूचना जारी गरेपनि अटेर गरेपछि डोजर चलाएर टहरा भत्काउनुपरेको बताए।
‘पटक पटक सूचना जारी गरेर अतिक्रमित जग्गा खाली गर्न आग्रह गर्दा पनि अटेर गरेपछि हामीले भत्काएका हौँ,' उनले भने।
प्रदेशसभा सदस्य गणेश दुलालले प्रमाणका आधारमा भत्काएको ठाउँको जग्गा सरकारको नाममा रहेकोले टहरा भत्काइएको बताए।
‘सरकारी जग्गा अतिक्रमण गरेर वर्षौंदेखि एकजना व्यक्तिले भाडामा लगाएको थियो। बारम्बार सूचना जारी गर्दापनि अटेर गरेपछि आज घरटहरा भत्काएका हौँ। यो क्षेत्रमा रहेका सबै अतिक्रमित सार्वजनिक जग्गा फिताए गर्ने अभियानका साथ अगाडि बढेका छौँ,' उनले भने।
स्थानीयले भने खाली गर्न पर्याप्त सूचना नदिएको गुनासो गरेका छन्।
जग्गा खाली गराउन ३५ दिने सूचना दिनुपर्नेमा १५ दिने सूचना जारी गरेर टहरा भत्काएको आरोप स्थानीयको छ।
भिडियो
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821304.jpg)
-1786602170.png)
