पोखरा – जारी आहा–रारा पोखरा गोल्डकपको अन्तिम प्रि क्वाटरफाइनलमा आज संकटा क्लबले भारत सिक्किमको थन्डरबोल्ट युनाइटेड संग खेल्दैछ ।
पछिल्लो ४ वर्षमा दुईपटक च्याम्पियन बनेको संकटा आहामा सर्वाधिक सफल टोली मध्ये चौथोमा पर्दछ । नेपाल पुलिस क्लब र मनाङ मस्र्याङ्दी क्लबले सर्वाधिक समान ६ पटक, थ्री स्टार क्लबले ५ पटक र त्यसपछि संकटा दुई च्याम्पियन भइसकेको छ ।
आयोजक सहारा क्लब, अफ्रिकन युनाइटेड, एपिएफ फुटबल क्लब र त्रिभुवन आर्मी फुटबल क्लब समान १ पटक च्याम्पियन बनेका थिए । यसपटक पूर्व विजेता आयोजक सहारा , एपिएफसँगै एनआरटी आफ्नो पहिलो खेलमै पराजित भएर प्रतियोगिताबाट बाहिरिसकेका छन् ।
पुलिस, मच्छिन्द्र फुटबल क्लब र सहिद स्मारक ए डिभिजन लिग च्याम्पियन चर्च ब्वाइज युनाइटेड आहा राराको क्वाटरफाइनलमा पुगिसकेका छन् । आर्मी ,थ्री स्टार, ब्रिगेड ब्वाइज युके र उज्वेकिस्तानको बिग बुल्सले क्वाटरफाइनलबाट खेल्नेछन् । आजको खेल पोखरा रंगशालामा दिउसो २ बजे सुरु हुनेछ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
