काठमाडौं– शनिवार सम्पन्न सर्वोच्च अदालत बार एशोसिएशनको अध्यक्षमा वरिष्ठ अधिवक्ता मेघराज पोखरेल विजयी भएका छन्।
उनले ३६८ मत प्राप्त गरेका छन्।
उनका निकटतम प्रतिद्वन्द्वी वरिष्ठ अधिवक्ता महेशकुमार थापाले १८१ मत पाउँदा अधिवक्ता प्रेमसिंह धामीले १५ मत पाए।
निर्वाचित पोखरेल कांग्रेस निकट डिएलएका उम्मेदवार हुन्। निर्वाचनमा नेकपा एस निकट कानून व्यवसायीहरूको प्यानल थियो भने। नेकपा एमाले र नेकपा माओवादी केन्द्रको अर्को प्यानल थियो।
यस्तै, उपाध्यक्षमा अधिवक्ता अम्बरबहादुर राउत विजयी भएका छन्। उनले ३४६ मत पाउँदा अधिवक्ता भीष्मराज कडरीयाले १०३ र वरिष्ठ अधिवक्ता उत्तमबहादुर श्रेष्ठले ३५ मत पाएका छन्।
यसैगरी सचिवमा रमण कुमार कर्ण विजयी भएका छन्। उनले ३३९ मत पाएका छन्। प्रभाकर श्रेष्ठले २०५ मत पाए।
सहसचिवमा अधिवक्ता पुन्देवी महर्जन (सुजना) ३३७ मत ल्याएर विजयी हुँदा श्रुति कुमारी रेग्मीले २१६ मत पाइन्।
कोषाध्यक्षमा रामचन्द्र पौडेल ३४० मतका साथ विजयी भएका छन्। प्रतिद्वन्द्वी अनन्तराज लुईटेलले २०७ मत पाएका छन्।
यस्तो छ निर्वाचन परिणाम
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
