एजेन्सी– क्रिसमसको दिन बिहानैबाट रसियाले युक्रेनका ऊर्जा केन्द्रहरूमा भीषण मिसाइल र ड्रोनहरू प्रहार गरेको छ। क्रिसमसको बिहानैबाट रुसले भीषण आक्रमण सुरु गरेसँगै राजधानी कीभ लगायत अन्यत्र रहेका सर्वसाधारणहरू मेट्रो स्टेसनहरूमा शरण लिइरहेका छन्।
युक्रेनी वायु सेनाले उत्तरपूर्वी क्षेत्रबाट कीभतर्फ सयौं मात्रामा ड्रोन र मिसाइलहरु अघि बढेको चेतावनी दिएसँगै सर्वसाधारणहरू सुरक्षित स्थानको खोजीमा निस्किएका थिए। डिनिप्रोपेट्रोभस्कका क्षेत्रीय प्रमुख सेरही लिसाकले रूसले क्षेत्रको ऊर्जा प्रणाली नष्ट गर्ने प्रयास गरिरहेको बताउँदै उनीहरुको आक्रमणले युक्रेनको उर्जा क्षेत्रमा ठुलो क्षति भएको बताए।
टेलिग्राममा लेख्दै उनले उर्जा क्षेत्रमाथि ‘भारी आक्रमण’ भइरहेको उल्लेख गरेका छन् र हवाई आक्रमणको चेतावनी सुनिएपछि सुरक्षित स्थानमा बस्न नागरिकलाई आग्रह गरेका छन्।
यसअघि, युक्रेनको सबैभन्दा ठूलो निजी ऊर्जा कम्पनी डीटेकले आज बिहान ठूलो आक्रमणको सामना गरेका छन्। यस वर्षको युक्रेनी ऊर्जा क्षेत्रमाथिको १३ औं प्रमुख आक्रमण भएको युक्रेनले बताएको छ। कम्पनीले डिनिप्रोपेट्रोभस्क, कीभ, र ओडेसामा विद्युत आपूर्तिमा प्रतिबन्ध लगाइएको घोषणा पनि गरेको छ।
क्रिसमसको बिहान युक्रेनमा अत्यन्तै चिसो छ भने ठूला आक्रमणको असर कम गर्न प्रयास भइरहेका कारण विभिन्न क्षेत्रहरूमा विद्युत कटौतीका खबरहरू आउन थालेका छन्। जसले गर्दा जनजीवन प्रभावित भएको छ।
सेप्टेम्बरमा राष्ट्रपति भोलोडिमिर जेलेन्स्कीले युक्रेनको ८०% ऊर्जा संरचना रूसी बमबाट नष्ट भएको बताएका थिए। त्यसयता पनि गोलाबारीमा कुनै कमी आएको छैन। राष्ट्रपतिले क्षतिग्रस्त संरचनाहरू पुनःनिर्माण गर्ने प्रतिज्ञा गरेका छन्। यस विनाशको सामना गर्न युक्रेनले नविनतम उपायहरू अपनाइरहेको छ।
एक राज्य-स्वामित्वको कम्पनीले मिसाइल र ड्रोनबाट बचाउन भुइँमुनि जलविद्युत् प्लान्ट निर्माण गर्ने योजना बनाइरहेको छ। अन्य कम्पनीहरूले हवाई सुरक्षा दिन सकिने नयाँ ऊर्जा भण्डारण उपकरणमा काम गरिरहेका छन्।
तर यी प्रयास पूरा गर्न समय लाग्नेछ। छोटो अवधिका लागि, राष्ट्रपति जेलेन्स्कीले युक्रेनलाई आफ्ना सहर र ऊर्जा संरचनालाई रूसी आक्रमणबाट जोगाउन १०-१२ वटा हवाई प्रतिरक्षा प्रणालीहरूको तत्काल आवश्यकता रहेको बताएका छन्।
तर अहिलेसम्म, पश्चिमी देशहरूले सो आवश्यकताको तुलनामा धेरै कम मात्र सहयोगको प्रतिबद्धता जनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
