अजरबैजान एयरलाइन्सको विमान दुर्घटनामा २५ जना बाँचे

विश्व

नेपाल लाइभ बुधबार, पुस १०, २०८१ १४:४८

अकताउ– कजाकिस्तानको अकताउ सहरमा बुधवार भएको एउटा यात्रुवाहक विमान दुर्घटनामा २५ जना बाँच्न सफल भएका छन् । ६७ जना सवार रहेका उक्त विमानमा २५ जना यात्रुहरू बाँचेको र यीमध्ये २२ जनालाई अस्पताल लगिएको स्थानीय अधिकारीले बताएको भन्दै बीबीसीले समाचार छापेको छ ।

अवतरण गर्ने क्रममा विमानमा आगो लागेको काजकिस्तानको आकस्मिक मन्त्रालयले बताएको छ । दुर्घटनामा परेको एम्ब्रेयर १९० विमानमा ६२ यात्रु र पाँच जना चालक दलका सदस्य थिए । विमान अजरबैजान एयरलाइन्सको भएको रुसी समाचार एजेन्सीहरूलाई उद्धृत गर्दै अन्तर्राष्ट्रिय समाचार एजेन्सी रोयटर्सले पनि समाचार छापेको छ ।

बाकुबाट रुसको चेचन्याको ग्रोज्नी जाँदै गर्दा बाक्लो हुस्सुका कारण उक्त विमानको रुट परिवर्तन गरिएको र यसै क्रममा विमानको दूघर्टना परेको बताइएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

शुक्रबारदेखि पुनःबदली र वर्षा हुने

पाकिस्तानः जारी सडक अवरोध र चिकित्सा सङ्कटबीच पाराचिनारमा १०० भन्दा बढी बालबालिकाको मृत्यु

आवश्यकताका आधारमा संविधान संशोधन गर्न सकिन्छ : अध्यक्ष दाहाल