कार्यकाल सकिन अघि बाइडेनले दिए करिब १५०० अपराधीलाई क्षमादान

विश्व

नेपाल लाइभ बिहीबार, मंसिर २७, २०८१ २०:५०

एजेन्सी– कार्यकाल सकिन लागेका राष्ट्रपति जो बाइडेनले बिहीबार करिब एक हजार पाँच सय अपराधीलाई अहिंसात्मक अपराधका लागि क्षमादान दिएका छन्।

यसलाई ह्वाइट हाउसले अमेरिकी इतिहासमा एकै दिनमा सबैभन्दा ठूलो क्षमादानको कार्य भनेको छ।

“सफल पुनःस्थापना देखाउने ३९ जनालाई म क्षमा गर्दछु”, बाइडेनले विज्ञप्तिमा भने, “लामो जेल सजाय भोगिरहेका लगभग एक हजार पाँच सय व्यक्तिको सजाय पनि कम गर्दैछु ।”

ह्वाइट हाउसले सजाय कम गरिएका करिब एक हजार पाँच सय मानिसले कम्तीमा एक वर्षदेखि घरमै सजाय भोगिरहेको बताएको छ।

“अमेरिका सम्भावना र दोस्रो अवसरको प्रतिज्ञामा निर्माण भएको हो”, बाइडेनले भने, “राष्ट्रपतिको हैसियतमा मलाई पश्चाताप र पुनःस्थापना देखाउने व्यक्तिहरूप्रति दया विस्तार गर्ने महान् विशेषाधिकार छ ।”

यस महिना बाइडेनले आफ्नो छोराको कानूनी समस्यामा हस्तक्षेप नगर्ने पहिलेको आश्वासनका बावजुद दुई आपराधिक मुद्दाका लागि सजाय भोगिरहेका आफ्नो छोरा हन्टरलाई आधिकारिक माफी जारी गर्नुभएकामा आलोचनाको सामना गर्नु परेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

१० करोड बढी लगानीमा विद्युतीय माइक्रोबस सञ्चालन

डलर देखाई साढे ६ लाख ठगी गर्ने दुईजना पक्राउ

कार्यकाल सकिन अघि बाइडेनले दिए करिब १५०० अपराधीलाई क्षमादान