शोभित बस्नेतको निर्देशनमा ‘पीआर’ बन्ने, अष्ट्रेलियामा छायांकन

सिनेमा

नेपाल लाइभ आइतबार, मंसिर २३, २०८१ १९:३०

काठमाडौं– कुनै समयका सफल निर्देशक शोभित बस्नेतले ३ वर्षपछि फिल्म निर्देशनमा पुनरागमन गर्ने भएका छन्।

आइतबार उनको निर्देशनमा बन्न लागेको ३२औं फिल्म ‘पीआर’को निर्माण घोषणा गरिएको हो।

उनले पछिल्लो पटक ‘डाँडाको वरपीपल’ निर्देशन गरेका थिए, जुन २०७८ सालमा प्रदर्शन भएको थियो ।

‘पीआर’को निर्माण घोषणासँगै आर्टिफिसियल इन्टेलिजेन्स (एआई)को सहयोगमा तयार पारिएको थिम पोस्टर पनि सार्वजनिक गरिएको छ, जसले फिल्मको कथासार बुझाउँछ।पोस्टरमा एक व्यक्ति हातमा सुटकेस लिएर उभिएका छन् भने आकाशमा प्लेन देखिन्छ।पृष्ठभूमिमा अष्ट्रेलियाको ओपेरा हाउस र नेपालको मन्दिर पनि चित्रित छन् ।

फिल्मको नाममा भने नेपाल र अष्ट्रेलियाको झण्डा इंकित छ।फिल्मले अष्ट्रेलियाको पीआर पाउन नेपाली युवाले गरेको संघर्षको कथालाई प्रस्तुत गर्ने पोस्टरबाट प्रष्ट हुन्छ।पछिल्लो समय अस्ट्रेलियामा पीआर लिने नेपालीको संख्या निकै बढेको छ।फिल्मले यही विषयलाई उठाउन खोजेको देखिन्छ।फिल्मको तयारीका लागि यतिबेला निर्देशक बस्नेत अष्ट्रेलियामा छन् ।

आरएफएम फयासिलिटी मेनेजमेन्ट अष्ट्रेलिया र ल्यान्ड वे डम्प्लिङ सिड्नी प्रस्तुतकर्ता रहेको फिल्ममा ए वान ग्रुप सर्भिसका प्रदीप दाहाल निर्माता र एप्लाई वर्ल्डका गणेश केसी कार्यकारी निर्माता छन्।अहिले फिल्मका लागि अष्ट्रेलियामा अडिसन भइरहेको छ ।

सलोन सलिना फिल्म्सको व्यानरमा निर्माण हुन लागेको फिल्ममा मानस राजको संगीत, शोभित बस्नेतको कथा तथा गणेश बुढाथोकीको पटकथा र संवाद रहनेछ।निर्देशक बस्नेतले फिल्मको सम्पूर्ण छायांकन अष्ट्रेलियामा गरिने बताए।‘सम्पूर्ण कलाकार र प्राविधिक अष्ट्रेलियाबाटै छानिनेछन्।अङ्ग्रेजी नयाँ वर्ष (२०२५)बाट हामी सुटिङमा जानेछौं’, उनले भने ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सिरियामा फसेका पाकिस्तानी सफलतापूर्वक लेबनानको राजधानी बेरुत पुग्यो

उपराष्ट्रपति यादव कतारको राष्ट्रिय दिवसमा सरिक

मानव बेचबिखनमा वृद्धि : राष्ट्रसङ्घ