काठमाडौं– सिद्धार्थ बैंक प्रिमियर लिग(एनपिएल) को दोस्रो खेलमा काठमाडौं गुर्खाजविरुद्ध चितवन राइरोजले टस जितेको छ।
टियु क्रिकेट मैदान कीर्तिपुरमा चितवनका कप्तान कुशल मल्लले टस जितेर बलिङ रोजेका हुन्।
सोमबारको पहिलो खेलमा काठमाडौंका कप्तान करण केसीले टस हारेर ब्याटिङ गर्दैछन्।
शनिबारबाट सुरु लिगमा आज दुई खेल हुँदैछ। आज हुने दोस्रो खेलमा कर्णाली याक्स र जनकपुर बोल्ट्स खेल्दैछन्। कर्णाली र जनकपुरबीचको खेल दिउँसो १:१५ बजे सुरु हुनेछ।
पहिलो खेलमा विराटनगरमाथि ८ विकेटको सहज जित हासिल गरेको जनकपुरले जितको निरन्तरताको लागि प्रयास गर्नेछ। उता, एनपिएलकै ठूलो नाम मध्येका एक शिखर धवनलाई अनुबन्ध गरेको कर्णाली पनि जितबाट सुरुवात गर्न चाहन्छ।
जनकपुर अनिल शाहको र कर्णाली भने सोमपाल कामीको कप्तानीमा रहेको छ। पुस ६ गतेसम्म चल्ने एनपिएलमा ८ टोलीको सहभागिता छ। राउन्ड रोबिन लिगपछि शीर्ष ४ टोली प्लेअफमा प्रवेश गर्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
