सडकमा फोहोर गरेको भन्‍दै ४ जनालाई काठमाडौं महानगरले तिरायो जरिवाना

समाचार

नेपाल लाइभ आइतबार, मंसिर ९, २०८१ २०:४१

काठमाडौं– काठमाडौं महानगरपालिकाले सडकमा फोहोर गरेको भन्‍दै ४ जनालाई जरिवाना तिराएको छ। महानगरको प्रहरी टोलीले काठमाडौंको फरक ठाउँको सडकमा फोहोर फ्याक्नेहरूलाई जरिवाना तिराएको हो।

ममहानगर प्रहरी बलका अनुसार काठमाडौँ महानगरपालिका-९ गौशालाबाट रातो पुल जाने बाटोमा घरको ढल खुल्ला सडकमा फोहोरमैला गरेबापत रिसवराज पाण्डेलाई २५ हजार जरिवाना गरिएको छ।

यस्तै काठमाडौँ महानगरपालिका-१४ रवि भवन उकालोमा घर निर्माण गर्ने क्रममा सवारी साधनबाट माटो, हिलो खसाली फोहोर गरेबापत गंगा रजकलाई १० हजार जरिवाना र काठमाडौँ महानगरपालिका-१४ कुलेश्वरको सडकपेटीमाथि गाडी राखी सजाउँने कार्य गर्दा फोहोरमैला गर्ने सञ्जय कुमार लाई १० हजार तिराएको छ।

यसैगरी काठमाडौँ महानगरपालिका-२७ भोटाहिटी साझा अगाडि द कोहिनुर बुटिकले सडक पेटीमै फोहोरमैला फालेको भन्‍दै मोहम्मद चन्दालाई १० हजार जरिवाना तिराएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दुर्गा प्रसाईँ वीर अस्पतालमा भर्ना

सुनको भन्सार दर २० बाट १० प्रतिशतमा झारियो

यूपीको शाही जामा मस्जिदमा सर्भे टिममाथि मुस्लिम समुदायद्वारा आक्रमण, भीड अनियन्त्रित भएपछि प्रहरीले बल प्रयोग गर्दा तीन जनाको मृत्यु