यूपीको शाही जामा मस्जिदमा सर्भे टिममाथि मुस्लिम समुदायद्वारा आक्रमण, भीड अनियन्त्रित भएपछि प्रहरीले बल प्रयोग गर्दा तीन जनाको मृत्यु

विश्व

नेपाल लाइभ आइतबार, मंसिर ९, २०८१ २१:४०

एजेन्सी– पश्चिमी उत्तर प्रदेशको संभल जिल्लामा आइतबार बिहान शाही जनामा मस्जिदको सर्भे गर्ने क्रममा भएको हिंसामा तीन जनाको मृत्यु भएको छ।

उग्र भीडले कैयौं गाडीमा आगजनी गरेका थिए। प्रहरीले भीडलाई नियन्त्रणमा लिनका लागि अश्रु ग्यास र लाठीचार्ज गरेको थियो। मुरादाबादको डिभिजनल कमिस्नर आन्जनेय कुमार सिंहले तीन जनाको मृत्यु पुष्टि गरे।

संभलका समाजवादी पार्टीका सांसद जियाउर्रहमान वर्कले बीबीसी संवाददाता दिलनवाज पासासँग कुरा गर्दै प्रहरीले गोली चलाएको र त्यसपछि शहरमा तनावको स्थिति बनेको दाबी गरेका छन्।

कमिस्नर सिंहले बिहान ११ बजे सर्भे सकिएछि टीम निस्किँदै गर्दा तीन तर्फबाट ढुंगामुडा भएको र त्यसपछि प्रहरीले बल प्रयोग गरेर सर्भे टिमलाई सुरक्षित निकालिएको बताएका छन्।

यस क्रममा तीन तर्फबाट उग्र भीडले घेरेपछि गोली चलेको र त्यसमा प्रहरी अधीक्षकका पीआरओको खुट्टामा गोली लागेको र डेपुटी कलेक्टरको खुट्टा फ्य्राक्चर भएको बताएका छन्। र जसमा १५/२० सुरक्षाकर्मी घाइतेसमेत भएको जानकारी दिए।

यस्तै यस गोलाबारीमा तीन मानिसको मृत्यु भएको र मृतकहरुमा नइम, बिलाल र नौमान रहेका छन्। तीनै शवको पोष्टमार्टम गरिएको र अहिले स्थिति नियन्त्रणमा रहेको उनले बताए।

ढुंगामुढा गर्ने कार्यमा संलग्न भएको आरोपमा दुई महिलासहित १५ जनालाई नियन्त्रणमा लिइएको छ। उनीहरुविरुद्ध भीडलाई उक्साउने आरोपमा अनुसन्धान भइरहेको छ।
कैलादेवी मन्दिरका महन्त ऋषिराज गिरी महराजका अनुसार संभवलको शाही मस्जिद वास्तवमा हरिहर मन्दिर हो। १९ नोभेम्बरमा सिभिल कोर्टमा एक रिट दायर गरेर सर्भेको माग गरिएको थियो।

अदालतले सात दिनभित्र सर्भे गर्न आदेश दिएको थियो। साथै उक्त टीमलाई उक्त सर्भेको भिडियो र फोटोग्राफीसहित रिपोर्ट पेस गर्न निर्देशन दिएको थियो।

अदालको आदेशअनुसार सर्भे गर्न जाँदा आइतबार बिहान सर्भे टिममाथि स्थानीय मुस्लिम समुदायका व्यक्तिहरुले आक्रमण गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दुर्गा प्रसाईँ वीर अस्पतालमा भर्ना

सुनको भन्सार दर २० बाट १० प्रतिशतमा झारियो