माछापोखरीबाट अपहरण गरेको आरोपमा ४ जना पक्राउ

सुरक्षा/अपराध

नेपाल लाइभ आइतबार, मंसिर २, २०८१ १७:४२

काठमाडौं– अपहरण तथा शरीर बन्धकको कसुरमा चार जनालाई प्रहरीले पक्राउ गरेको छ।

पक्राउ पर्नेहरुमा रसुवाको गोसाईकुण्ठ थुमनका ३१ वर्षीय बुद्धिबहादुर तामाङ, गोसाईकुण्ड भार्खुकै ३८ वर्षीय नुर्पु सिंगी तामाङ, गोसाईकुण्ड धुन्चेका ४४ वर्षीय टेम्पा नुर्पु तामाङ र रसुवाको कालिका राम्चेका ४८ वर्षीय गोपाल तामाङ छन्।

उनीहरुलाई काठमाडौं उपत्यका अपराध अनुसन्धान कार्यालयको टोलीले ३० कात्तिकमा पक्राउ गरेको हो। यो समूहले ४ असोजमा काठमाडौंको माछापोखरीबाट व्यक्ति अपहरण गरेको आरोप छ।

अपहरण गरी ट्याक्सीमा राखेर बुढानीलकण्ठ नारायणस्थानस्थित शैलजा रिसोर्टमा लगेर बन्धक बनाइएको खुलेको अपराध अनुसन्धान कार्यालयका एसपी तथा प्रवक्ता काजिकुमार आचार्यले बताए।

आँखामा पट्टी बाँधी बन्धक बनाउँदै कुटपिट गरेको र चेक काट्न समेत लगाएको आरोप यो समूहमाथि छ। पक्राउ परेकाहरुमाथि अपहरण तथा शरीर बन्धकको कसुरमा कारबाहीका लागि जिल्ला प्रहरी परिसर भद्रकाली काठमाडौं पठाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

फ्रान्सले युक्रेन बिना नै युद्धबारे छलफलका गर्न चाहेको रूसी दावी

सगरमाथा संवादको तयारी भइरहेको छः परराष्ट्रमन्त्री

भोलि र पर्सि देशका अधिकांश ठाउँमा पानी पर्ने सम्भावना, चिसो अझै बढ्ने