काठमाडौं – आफूलाई ‘बिरामीको साथी धर्म गुरु’ भनेर चिनाउने झाँक्री प्रकाश भुजेल शंखरापुर इन्द्रायणीमा गाडी दुर्घटना गरेर फरार भएका छन्।
साँखुमा प्रकाश मानव सेवा सांस्कृतिक झाँक्री केन्द्र सञ्चालन गरेका र सोसल मिडियामा भाइरल हुन चाहने भुजेलको गाडीले ठक्कर दिँदा मोटरसाइकल चालक गम्भीर घाइते भएका छन्।
शंखरापुर नगरपालिका वडा नम्बर ९ इन्द्रायणीमा उनको गाडी सडकबाट घरको सटरमा पुगेर ठोक्किएको र त्यसलगत्तै भुजेल गाडी छाडेर फरार भएको प्रत्यक्षदर्शीले बताएका छन्। मोटरसाइकल र स्कुटर ठोक्किएपछि जोगाउन खोज्दा उनी आफैँले चलाएको गाडी अनियन्त्रित भएर घरभित्र पसेको बुझिएको छ।
घटनाबारे अनुसन्धान भइरहेको र घाइतेलाई उपचारका लागि पठाइएको प्रहरीले जनाएको छ। फरार भुजेलको खोजी भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
