काठमाडौंको सानो भर्‍याङबाट सांसद दीपक मनाङे पक्राउ

सुरक्षा/अपराध

नेपाल लाइभ मंगलबार, कात्तिक २७, २०८१ ११:३९

काठमाडौं– गण्डकी प्रदेशसभा सदस्य राजीव गुरुङ (दीपक मनाङे) पक्राउ परेका छन् । उनलाई मंगलबार काठमाडौंको सानोभर्‍याङबाट पक्राउ गरिएको प्रहरी उच्च स्रोतले बाह्रखरीलाई जानकारी दियो ।

प्रहरीले आजै उनलाई काठमाडौं जिल्ला अदालतमा पेस गर्ने तयारी गरेको छ । यही कात्तिक २० गते सर्वोच्च अदालतले उच्च अदालत पाटनबाट भएको उनको पाँच वर्ष कैद सजायको फैसला सदर गरेको थियो ।

उनलाई ०६० सालमा अर्का गुन्डा नाइके मिलन गुरुङ (चक्रे) हात छिनालेको अभियोगमा दोषी ठहर गरिएको थियो । मनाङेलाई ज्यान मार्ने उद्योगमा दोषी ठहर गरिएको हो । ०६९ सालमा उच्च अदालत पाटनले उनलाई पाँच वर्ष जेल सजाय सुनाएको थियो । तर, उनी उच्च अदालतको फैसलाविरुद्ध सर्वोच्च गएका थिए

अदालतमा पेसपछि उनी कैद भुक्तानका निम्ति कारागार चलान हुनेछन् । पूर्वमन्त्रीसमेत रहेका मनाङे मनाङ निर्वाचन क्षेत्र नम्बर–१ ‘ख’बाट निर्वाचित स्वतन्त्र सांसद हुन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बागलुङको रक्तसञ्चार केन्द्रमा प्लेटलेट्स छुट्याउने उपकरण प्रयोगविहीन, बिरामी पोखरा धाउन बाध्य

उपनिर्वाचनः कनकाई-६ मा उम्मेदवार चयन

मकवानपुरमा एक अर्ब ६९ लाख बढीको क्षति