विनयले ल्याए नयाँ गीत ‘किन छिन् छिन्’

संगीत

नेपाल लाइभ सोमबार, कात्तिक २६, २०८१ १९:५९

काठमाडौँ- ६० को दशकमा लोकप्रिय बनेको ‘जब तिमी एक्लै थियौं’ गीतबाट गायन यात्रा सुरु गरेका गायक विनय कार्की क्षेत्रीले नयाँ गीत रिलिज गरेका छन्। कार्कीले ‘किन छिन् छिन्’ बोलको गीत रिलिज गरेका हुन्।

कमल खत्रीको रचना तथा संगीतमा तयार भएको गीतमा उनले अञ्जना सारुसँग युगल गायन गरेका छन्। गायिका सारू ‘इमेज लोककलाकार सिजन १’की विजेता हुन् ।

गीत रिलिजपछि विनयले ‘जब तिमी एक्लै थियौं’ बोलको गीतको लोकप्रियता सम्झदै त्यसपछिको समय करिब सात वर्ष संगीत संयोजनमा व्यस्त भएकोले गायनमा समय दिन नसकेको बताए।

कार्कीले अब भने आफू नियमित रुपमा गायनमा सक्रिय हुने बताएका छन्।

गायनमा पुनः सक्रिय हुनकै लागि उनले ‘भ्वाइस अफ नेपाल, सिजन टु’को मञ्च रोजेका थिए। ब्लाइन्ड अडिसनमा ‘भूमो’ गीत गाएका विनयका लागि त्यतिबेला चारै जना जजहरुले हरियो बर्जर बजाएका थिए।

उनको यो गीतको अडिसन भिडियो सामाजिक संजालमा भाइरल बनेको थियो। यधयपी उनी दोश्रो चरणमै निराश हुनुपर्‍यो।

उनले अब पुनः दर्शकको मन जित्ने अभियानमा लागेको बताउँदै त्यही सिलसिलामा ‘किन छिन् छिन्’ बोलको गीत रिलिज गरेको बताए। आफ्नो गीत श्रोताले मनपराउनेमा उनी आशावादी छन्।

विनय पछिल्लो समय यूट्यूब तथा टेलिभिजनमा लोकप्रिय रहेका टेलिश्रृखंलाहरुका पार्श्व संगीतकारसमेत हुन्। उनले ‘बुहारी’, ‘हल्कारा माइलो’, ‘जुठे’, ‘नारी’ गरी दर्जनबढि टेलिश्रृखंलाहरुका पार्श्व संगीत दिएका छन् ।

यस्तै यो गीतको भिडियो नितिन चन्दको निर्देशनमा तयार पारिएको छ। गीतको भिडियोमा श्रद्धा क्षेत्री, विक्राम पोखरेल तथा आरोही कार्की क्षेत्रीको अभिनय रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सभामुख घिमिरे र कम्बोडियाका प्रधानमन्त्रीबीच भेट, लुम्बिनी–अंगकोर सिधा हवाई उडान सुरु गर्न पहल

एनपीएल ट्रफीमा कालापत्थरको ढुंगा!

एनपिएलले नेपालको पर्यटन प्रवर्द्धन र युवा प्रतिभालाई उजागर गर्नेछ: प्रधानमन्त्री ओली