विश्वकप लिग-२: अमेरिकासँग नेपाल पराजित

क्रिकेट

नेपाल लाइभ सोमबार, कात्तिक १२, २०८१ ०९:०७

काठमाडौं– आइसिसी विश्वकप लिग-२ अन्तर्गत अमेरिकामा जारी सिरिज अन्तर्गत पहिलो खेलमा नेपाल घरेलु टोलीसँग ३ विकेटले पराजित भएको छ।

अमेरिकाको डलासको ग्रान्ड प्रिएरीमा गएराति भएको खेलमा नेपालले दिएको २८७ रनको लक्ष्य अमेरिकाले ४९ ओभर ४ बलमा ७ विकेट गुमाएर पूरा गर्‍यो ।

अमेरिकाका शायन जहानगिरले १०४ रनको शतकीय इनिङ खेले । कप्तान मोनाक पटेलले ६२, हर्मित सिंहले ५७ रन र शाड्ली भान साल्वेकले २९ रन बनाए। बलिङमा नेपालका कुशल भुर्तेलले ४ विकेट लिएपनि जितका लागि पर्याप्त हुन सकेन।

यसअघि टस हारेर पहिला ब्याटिङ गरेको नेपालले निर्धारित ५० ओभरमा २८६ रन बनाएको थियो । नेपालका कप्तान रोहित पौडेलले सर्वाधिक ९६ रनको योगदान गरेका थिए।

अनिल शाहले ५६, आसिफ शेखले ५२ र आरिफ शेखले ३७ रनको योगदान दिए। बलिङतर्फ अमेरिकाका नोष्थुश केन्जिगेले सर्वाधिक ४ विकेट लिएका थिए।

नेपालले आईसीसी विश्वकप लिग-२ मा आफ्नो खराब लयलाई कायमै राखेको छ। लिग-२ मा ९ खेल खेलेको नेपालले एक खेलमा मात्र जित निकालेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

४७ प्रतिशत किसान परिवार सूचीकृत, सूचीकरणको कामलाई तीव्रता दिन स्थानीय तहलाई परिपत्र

कार्यसक्षमता नभएका मन्त्रीहरूको समीक्षा हुन्छ : प्रधानमन्त्री ओली

युद्ध विराम पछि बेरुतका विस्थापित बासिन्दा घर फर्के