सवारी चाप बढेसँगै खुलाइयो कुलेखानी ड्यामको सडक

पूर्वाधार

नेपाल लाइभ सोमबार, असोज २८, २०८१ १४:५८

काठमाडौं– हेटौंडा-कुलेखानी- फाखेल- सिस्नेरी सडक अन्तरगत सिमखोला, हेभि क्षेत्रमा सडकको अवस्था जिर्ण र जोखिमपुर्ण बनेपछि केही समयको लागि साना सबारीसाधनलाई कुलेखानी ड्यामबाटै संचालन गरिएको छ।

दशैँको टीकापछि हेटौंडा हुँदै काठमाडौं जाने सवारीको चाप बढेपछि आजबाट केही समयको लागि ड्यामबाटै सार्वजनिक सवारी खुल्ला गरिएको जिल्ला प्रहरी कार्यालय मकवानपुरले जनाएको छ। प्रहरीका अनुसार २०७२ सालको भुकम्पपछि ड्यामबाट सार्वजनिक सवारी बन्द गरिएको थियो।

‘अर्को सूचना जारी नभएसम्मको लागी सवारीसाधनको चापलाई मध्यनजर राखी हाललाई कुलेखानी ड्यामबाट निजी तथा सार्वजनिक हलुका सवारी साधन आवतजावतको व्यवस्था मिलाइएको जानकारी गराईएको छ’, कार्यालयले सामाजिक सञ्जालमार्फत् सूचित गरेको छ।

केही दिनअघि २ दिन निरन्तर झरी पर्दा कुलेखानी ड्याम खोलिएकाले हेटौंड-सिस्नेरी सडक बगाएको थियो। ठाउँ-ठाउँमा डाइभर्सन बनाएर सवारी सुचारु गरिएकोमा डाइभर्सन जीर्ण भएपछि ड्यामबाट सवारी आवागमन खुलाइएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सभामुख घिमिरे र कम्बोडियाका प्रधानमन्त्रीबीच भेट, लुम्बिनी–अंगकोर सिधा हवाई उडान सुरु गर्न पहल

एनपीएल ट्रफीमा कालापत्थरको ढुंगा!

एनपिएलले नेपालको पर्यटन प्रवर्द्धन र युवा प्रतिभालाई उजागर गर्नेछ: प्रधानमन्त्री ओली