फुटबल प्रशिक्षकमा प्रदिप हुमागाई ‘फिफा-प्रो’लाइसेन्स प्राप्त गर्ने पहिलो नेपाली प्रशिक्षक बने

फुटबल

नेपाल लाइभ बिहीबार, असोज २४, २०८१ १३:४८

काठमाडौं – फुटबल प्रशिक्षकमा प्रदिप हुमागाई विश्व फुटबल फिफा अन्तर्गत प्रशिक्षकहरुले प्राप्त गर्ने ‘फिफा-प्रो’ लाइसेन्स प्राप्त गरेका छन्।

उक्त लाइसेन्स प्राप्त गर्ने उनी पहिलो नेपाली प्रशिक्षक बनेका हुन्।

प्रदिपले १६ महिनाको लामो अध्ययनपछि मंगलबार अर्जेन्टिनाबाट फिफा प्रो लाइसेन्स प्राप्त गर्न सफल भएका हुन। अमेरिकामा बसेर फुटबल प्रशिक्षणसंगै अध्ययनमा सक्रिय ४३ वर्षिय हुमागाईले धेरैको माया र आशीर्वादका कारणले नै आफूले महत्वपूर्ण उपलव्धि हासिल गर्न सकेको प्रतिक्रिया दिए।

हुमागाईले सन २००९ बाट फुटबल प्रशिक्षकको रुपमा आफ्नो जीवन सुरुवात गरेका थिए। १५ वर्षको लामो अध्ययन विभिन्न क्लवहरुमा प्रशिक्षणको जिम्मेवारी सम्हाल्दै उनले नेपालबाट एफसी ‘बि’ र ‘ए’ क्याटोगोरीको लाइसेन्स समेत प्राप्त गरेका थिए।

सन् २००३ मा काठमाडौंमा भएको बंगलादेशसंगको मैत्रीपूणर् खेलमा उनको प्रशिक्षणमा रहेको नेपाली राष्ट्रिय टिमले ३-१ ले जित हात पारेको थियो।
काठमाडौं विश्वविद्यालयमा महिला प्रशिक्षकको रुपमा सुरुवात गरेका हुमागाईले नेपाली ए डिभिजनको क्लब थ्रिस्टार क्लब, ललितपुर एफसी, भुटनिज यूथ स्पोर्टस क्लब अमेरिकालगायतको टोली प्रशिक्षण दिएको अनुभव संगालेका छन्। नयाँ उचाइसँगै अब नेपाली राष्ट्रिय फुटबल टिमको नेतृत्व सम्हाल्ने दाबी गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

धितोपत्र बोर्डको अध्यक्षमा सन्तोषनारायण श्रेष्ठ

परराष्ट्रमन्त्रीको चीन भ्रमण स्वीकृत

अफवाह फैलाउने थप १० युट्युब च्यानलसहितलाई कारबाही