काठमाडौँ- आगामी फूलपातीका दिन नेपाली बक्स अफिसमा यो वर्षकै सर्वाधिक चर्चित भिडन्त हुँदैछ।
यो मितिमा यसअघि बक्स अफिसमा उच्च गुरुत्वाकर्षण कायम गरिरहेको चर्चित सिरिज ‘छक्का पञ्जा-५’ को साथमा कुनै समय एक्सन स्टारको छवि कायम गरेका अभिनेता विराज भट्टको साथमा उनका छोरा समीर भट्टको डेब्यू सिनेमा ‘१२ गाँउ’ एवं दिपकराज गिरी तथा दिपाश्री निरौलाको टिमबाट बहिर्गमनमा परेका जितु नेपालको सुन्दरी नायिका नीति शाहसँग जोडी बाँधिएको ‘ज्वाइँ साब’ रिलिज हुँदैछन्।
नेपाली सिनेमा बजारवृत्त यी तीन सिनेमाको व्यापारिक प्रदर्शनलाई लिएर आआफ्नो विश्लेषणहरु चलिरहेका छन्। वक्सअफिस प्रतिष्पर्दाको नतिजा रिलिजपश्चात स्पष्ट हुँदै जाने नै छ। तर यी सिनेमाले आफ्नो प्रचार सामाग्री रिलिजमा भने पहिला अर्कोले गरोस् भन्ने मनोविज्ञान देखियो।
अब सिनेमा रिलिज हुने साता दिनको समय छ। ‘१२ गाँउ’ र ‘ज्वाइँ साब’ले यसै साथा ट्रेलर रिलिज गर्दा ‘छक्का पञ्जा-५’को ट्रेलर रिलिज भएको छैन। यो सिनेमाले हालसम्म पोस्टर र दुई गीत मात्र रिलिज गरेको छ।
बाँकी दुई सिनेमाका हालै सार्वजनिक भएका ट्रेलरले उत्साहजनक प्रतिक्रिया बटुलिरहेका छन्।
यस स्थितिमा हालसम्म ‘छक्का पञ्जा-५’को ट्रेलर रिलिज नभएकोमा धेरै जनामा कौतुहल्ता उत्पन्न भएको छ।
हामीले यसै सन्दर्भमा सिनेमामा मूख्य भूमिकासमेत निभाइरहेका यसका निर्माता दिपकराज गिरी समक्ष जिज्ञासा राख्दा गिरीले दिन नतोकी केही दिन भित्र ट्रेलर रिलिज हुने जानकारी दिए।
यस्तै ट्रेलर रिलिजमा किन ढिलाइ भयो ?,भन्ने प्रश्नमा गिरीले ओभरसिज रिलिजलाई ध्यानमा राख्दै सिनेमा सक्ननुपर्ने भएकाले ट्रेलर रिलिजमा ढिलाइ भएको प्रतिक्रिया दिए।
त्यस्तै उनले जितु नेपालका पछिल्ला अन्तरवार्तामा उनका बारेमा भनेका कुराहरुलाई इंगित गर्दै व्यग्ंयातम शैलीमा प्रतिष्पर्धि सिनेमाका साथीहरुले ठाउँठाउँमा गएर आफूहरुको सिनेमाको प्रचार गरेकाले पनि ट्रेलर रिलिज गर्न हतार नगरेको बताए।
‘खासमा सिनेमाको काम नै एकदमै हेभी भयो। काम नै सकिएन, विदेश पठाउनुपर्ने। अनि यसपटकचाँहि प्रचारप्रसारको काम गीतसंगीतले पनि गरिरहेको छ।’, उनले भने, ‘अर्कोचाँहि हाम्रै साथीभाइले ठाँउठाँउमा गएर प्रचार गर्दिरहनुभएको छ। उहाँहरुले जहाँ गएपनि दिपक-दीपाको फिल्म ‘छक्का पञ्जा’ लाग्दैछ हामीसँग भनिरहनुभएको छ।’
उनले ट्रेलर यति नै गते रिलिज हुन्छ नभनेपनि केही दिन भित्रै रिलिज हुने बताए। ‘हाम्रो सिनेमा रिलिज भन्दा ४-५ दिन अगाडि आउला’, उनले भने।
गिरीले यस्तो बताएपनि उनले आजभोलिमै ट्रेलर सार्वजनिक गर्ने तयारी गरिरहेको बताइन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772726043.png)
-1764146706.png)
