काठमाडौँ महानगरपालिकाको केन्द्रीय टिमले वडा नम्बर २३ लाई हरायो

फुटबल

नेपाल लाइभ बुधबार, असोज २, २०८१ १५:५७

काठमाडौँ- काठमाडौँ महानगरपालिकाको केन्द्रीय टिमले दोस्रो ‘प्रयागराज सिंह सुवाल स्मृति फुटसल प्रतियोगिता’को विजयी यात्रा सुरु गरेको छ। लैनचौर खेल मैदानमा भएको उद्घाटन खेलमा आज आयोजक वडा नम्बर २३ लाई टाइब्रेकेरमा २-१ अन्तरले विजयी यात्रा सुरु गरेको हो।

निर्धारित समयमा दुवै टिमको १-१ गोल भएको थियो। सुरुवातमा अनुप मगरले केन्द्रलाई अग्रता दिलाएको थियो। यसपछि वडा नम्बर २३ का राजीव चित्रकारले गोल गरेर बराबरी बनाए। पेनाल्टी सुटआउटमा केन्द्रले प्रिक्वाटरफाइनलका लागि स्थान बनाएको हो। अनुप आजको खेलको म्यान अफ द म्याच घोषित भए।

उद्घाटन खेलमा महानगरपालिकाका उपप्रमुख सुनिता डंगोलले रेफ्रीलाई बल दिएकी थिइन्। खुला उमेर समूहका पुरुष खेलाडीबीच हुने खेलमा महानगरका हरेक वडाबाट एउटा–एउटा समूहले भाग लिनेछन्। नकआउटका आधारमा हुने खेल हरेक दिन बिहान ८ बजेदेखि १२ बजेसम्म हुनेछ। खेल असोज ९ गतेसम्म चल्नेछ।

आजको दोस्रो खेलमा वडा नम्बर ९ ले वडा नम्बर २७ लाई २–० गोल अन्तरले पराजित गर्‍यो। वडा नम्बर ९ का लागि दुवै गोल मिङ्‌मा लामा तामाङले गरेका थिए। यसमा मिङ्‌मा नै म्यान अफ द म्याच घोषित भए।

तेस्रो खेल वडा नम्बर ६ र ११ का बीचमा भएको थियो। यस खेलमा वडा नम्बर ६ ले ११ लाई ३-२ गोल अन्तरले पराजित गर्‍यो। वडा नम्बर ६ का लागि विप्लव लामा, दिपेश श्रेष्ठ र केशव भण्डारीले १/१ गोल गरेका थिए। वडा नम्बर ११ का लागि जनक कोइराला र रितेश महतोले गोल गरेका थिए। खेलमा वडा नम्बर ६ का केशव म्यान अफ द म्याच घोषित भए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘सही कथा भएमा काठमाडौं मेरा फिल्मको सुटिङ थलो बन्नेछ’

जर्मनीद्वारा युरोपेली सङ्घलाई ट्रम्पको शुल्क तयारी गर्न आग्रह

एक्सन स्पोर्ट्सको युट्युबमा एनपिएल हेर्न सकिने