आँबुखैरेनीमा सवारी दुर्घटना : एकको मृत्यु, ११ घाइते

समाचार

नेपाल लाइभ बुधबार, भदौ २६, २०८१ १८:१४

गोरखा– तनहूँको आँबुखैरेनीमा बुधबार दिउँसो दुई छुट्टाछुट्टै सवारी दुर्घटनामा एकको मृत्यु र ११ जना घाइते भएका छन्। जिल्ला प्रहरी कार्यालय तनहुँका अनुसार मुग्लिनतर्फबाट डुम्रेतर्फ सवार ग १ ख ९४०२ नम्बरको यात्रुबाहक बस आँबुखैरेनी २ र ३ जोड्ने खहरेखोलाको पुलनेरबाट खस्दा बसमा सवार १५ जनामध्ये ११ जना घाइते भएका छन्।

बुधबार अपरान्ह साँढे चार बजेतिर भएको सो दुर्घटनाका घाइते यात्रुको स्थानीय आँबुखैरेनी अस्पतालमा उपचार भइरहेको प्रहरी नायब उपरीक्षक दीपककुमार रायले जानकारी दिए।

साथै आँबुखैरेनीकै नारीघाटमा बस र मोटरसाइकल एक आपसमा ठोक्किँदा मोटरसाइकल यात्रुको घटनास्थलमै मृत्यु भएको छ।

दुई बजेतिर ग १ ख ७१४५ नम्बरको बस र विपरीत दिशातिरबाट आएको बा ९१ प २४६७ नम्बरको मोटरसाइकल ठोक्किँदा मोटरसाइकल चालक आँबुखैरेनीमा सुनचाँदी व्यवसाय गर्दै आएका अश्विन सुनारको मृत्यु भएको डीएसपी रायले जानकारी दिए। घाइतेहरुको नेपाल प्रहरी र सशस्त्र प्रहरीले उद्धार गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

४७ प्रतिशत किसान परिवार सूचीकृत, सूचीकरणको कामलाई तीव्रता दिन स्थानीय तहलाई परिपत्र

कार्यसक्षमता नभएका मन्त्रीहरूको समीक्षा हुन्छ : प्रधानमन्त्री ओली

युद्ध विराम पछि बेरुतका विस्थापित बासिन्दा घर फर्के