ह्यारिस र ट्रम्पबीच ‘प्रेसिडेन्सियल डिबेट’ जारी

विश्व

नेपाल लाइभ बुधबार, भदौ २६, २०८१ ०८:१९

काठमाडौं-अमेरिकी राष्ट्रपतीय निर्वाचनका उम्मेदवारहरु उपराष्ट्रपति कमला ह्यारिस र पूर्व राष्ट्रपति डनल्ड ट्रम्पबीचको पहिलो प्रेसिडेन्सियल डिबेट भइरहेको छ ।

उनीहरुबीच फिलाडेल्फियाको नेसनल कन्सटिटेयूशन सेन्टरमा बहस भइरहेको हो । दुवै जनाबीचको बहस एबीसी च्यानलमा प्रसारण भइरहेको छ भने बहसको मध्यस्थता एबीसी न्युजमा समाचार कार्यक्रम प्रस्तोता डेभिड मुइर र लिन्से डेभिसले गरिरहेका छन् ।

अमेरिकी राष्ट्रपति चुनाव र नतिजाका लागि निकै महत्वपूर्ण मानिने उम्मेदवारबीचको यो बहस करिब ९० मिनेट लामो चल्ने छ । बहसका क्रममा संचालकहरुले ह्यारिस र ट्रम्पलाई घरेलु नीति, कर कटौती र परराष्ट्र मामिला लगायतका विषयमा बारे प्रश्न गर्नेछन्।

अमेरिकी मतदाताले उम्मेदवारहरुको उत्तरभन्दा पनि उनीहरुको प्रस्तुतिलाई धेरै महत्व दिने अन्तराष्ट्रिय समाचार माध्यमहरुले उल्लेख गरेका छन् । नयाँ राष्ट्रपतिका लागि आगामी नोभेम्बरमा हुन लागेको अमेरिकी चुनावको संघारमा भएको बहसको विषयले अमेरिकामात्र होइन, विश्वकै ध्यान तानेको छ ।

रिपब्लिकन उम्मेदवार ट्रम्पका लागि यो दोस्रो बहस हो भने वर्तमान राष्ट्रपति जो बाइडनले चुनावी रेस छोडेपछि डेमोक्रेटिक उम्मेदवार बनेकी ह्यारिसका लागि भने यो पहिलो बहस हो । बहसका लागि ह्यारिसले केहि चरणको अभ्यास समेत गरेको बुझिएको छ। हालसम्म गरिएका सर्वेक्षण अनुसार दुवै उम्मेदवारबीच निकै कडा प्रतिष्पर्धा रहेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

४७ प्रतिशत किसान परिवार सूचीकृत, सूचीकरणको कामलाई तीव्रता दिन स्थानीय तहलाई परिपत्र

कार्यसक्षमता नभएका मन्त्रीहरूको समीक्षा हुन्छ : प्रधानमन्त्री ओली

युद्ध विराम पछि बेरुतका विस्थापित बासिन्दा घर फर्के