नयाँ दिल्ली– भारतले शुक्रबार मध्यम दूरीको ब्यालेस्टिक मिसाइल अग्नि-४ सफलतापूर्वक प्रक्षेपण गरेको छ। भारतीय रक्षा मन्त्रालयका अनुसार यो मिसाइल ओडिशाको चंडीपुरबाट प्रक्षेपण गरिएको थियो। यो प्रक्षेपण परिचालन र प्राविधिक मापदण्डहरू पूरा गर्न सफल भएको छ।
अग्नि-४ मिसाइल रणनीतिक बल कमाण्ड अन्तर्गत प्रक्षेपण गरिएको छ।
अग्नि-४ को सफल परीक्षणलाई भारतका लागि निकै महत्त्वपूर्ण मानिएको छ। यसलाई भारतको आणविक प्रतिरोध कार्यक्रमको हिस्सा मानिएको छ। अग्नि–४ मिसाइलको प्रहार क्षमता ४ हजार किलोमिटरभन्दा बढी रहेको बीबीसी समाचारमा उललेख छ।
भारतले यो वर्षको अप्रिलमा ओडिशाको तटमा रहेको अब्दुल कलाम टापुबाट १,००० देखि २,००० किलोमिटरसम्म मार हान्न सक्ने नयाँ पुस्ताको आणविक सक्षम अग्नि प्राइम ब्यालिस्टिक मिसाइल सफलतापूर्वक प्रक्षेपण गरेको थियो। बीबीसी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769055728.png)
-1764146706.png)
